Myaso 35:1 - Livulu lya Shukulu Kalunga

¹ Shukulu Kalunga, yeluwisa vaje vanjiyeluwisa, co lwa na vaje vanjilwisa!

Myaso 35:1 Iomraidhean Croise

Nehemiya 4:20

Nga muziva lupembo lwimba, ijeni mulikungulwile kuli yange. Njambi yetu akatulwilako.”

Myaso 119:154

Njakwile ku mulonga wange nakunjipatula, njovole ngwe ku cikulaeso cove!

Myaso 43:1

Njisompele yove Njambi, nakunjakwila mulonga wange ku muyati wa kukomoka Njambi, njamene ku vaka-makuli na vaka-vuvi!

Kutuuka 14:14

Shukulu Kalunga ikeye akamilwilako, yeni nacimo cai cimukalinga.”

Kutuuka 14:25

Mavalo a makalu avo atomenene, ngeci vakevo vakele mu vukalu. Co vaka-Ingito vendekele ngwavo, “Tusezeni ava vanu Shukulu Kalunga alinakuvalwilako, co alinakulwisa yetu.”

Kutuuka 23:22

Oloni nga mumwononoka nakulinga vyuma vyoshe vije vinjinashiki, njikalwisa vitozi veni voshe.

Visimo 22:23

Omwo Shukulu Kalunga ikeye muka-kuvalwila, co vyoshe vije ulinga kuli vakevo, Shukulu Kalunga akavilinga lalo kuli yove.

Visimo 23:11

Shukulu Kalunga ikeye muka-kuvalwila wavo wa nzili, akavasompelako milonga yavo yakuvalwisa.

Isaya 49:25

Shukulu Kalunga akumbulula ngwendi, “Eci cikeco cikasholoka. Vanu va nzili vakavanyeka vinzinda vavo, na vufuko vwa munu wa muuka vakavwambata. Njikalwisa woshe uje akakulwisa, co njikapatula vana vove.

Njelemiya 51:36

Co Shukulu Kalunga wendekele kuli vanu va mu Yelusalema ngwendi, “Njikamisompela n̄anda yeni, co njikalinga shambandinga ali vitozi veni, omwo a vije vivalingile kuli yeni. Njikomisa kavwelu-vwelu ka mema akwija ku Mbambilone, co njikomisa vindonga vyamwo.

Mbimbi 3:58

“Shukulu Kalunga wezile nakunjipatula, co waamenene mwonyo wange.

Mika 7:9

Tunavulumwina Shukulu Kalunga. Ngecivene, tunapande kuyanda omwo kuluvala kwendi noo atwamena.

Vilinga vya Miluwa 23:9

Asinoni vanu vendekele manene, co vamo valongisi va majwi a Lishiko vaje vakele ku munga ya vaFaliseo vemanene nakwendeka na nzili ngwavo, “Kutwawanene cuma cimo cacivi canalingi ou munalume! Amo mwavushunga munzinzime nambe kangelo nendeka kuli ikeye!”

Vilinga vya Miluwa 5:39

oloni nga vinatunda kuli Njambi, kumwasa kuvahyana. Mukalimona ngwe mulinakulwisa Njambi!” Co Munga vakavele kunangula kwa Ngamalyele.

Yoshwa 10:42

Yoshwa wafungulwile vimyene voshe ava na mitambela yavo mu simbu imolika omwo Shukulu Kalunga Njambi ya Isalele, waamenene vaIsalele nakuvalwilako.

1 Samwele 24:15

Ngecivene, Shukulu Kalunga atusompe, awane akati ketu iya umo naviisa. Shukulu Kalunga akenge a n̄anda eyi, nakunjamena, nakunjovola kuli yove.”