Myaso 34:14 - Livulu lya Shukulu Kalunga

¹⁴ Atunde ku vuvi nakulinga vyuma vyavivwa, ashakezeke nakukavangeya kwoloka.

Myaso 34:14 Iomraidhean Croise

Yombi 28:28

“Njambi wendekele kuli vanu ngwendi, ‘Kupwa vaka mana, munapande kukomoka Shukulu Kalunga. Co mukuzivisisa, munapande kutunda ku vuvi.’ ”

Myaso 120:7

Yange njishaka kwoloka, oloni omo njendeka, vakevo vashaka lika nzita.

Myaso 37:27

Tundeni ku vuvi ngeci mulinge vushunga, co vatekulwila veni vakayoya mu lifuti myaka yoshe.

Myaso 39:2

Njolokele kuluu, kunjendekele lijwi limo, nameme kwendeka a cuma cimo cacivwa! Oloni nameme ngoco tuyando twange twatumine manene,

Visimo 13:14

Vilongesa vya muka-mana vyapwa lisima lya mwonyo, ngeci munu atenguluke kutunda ku vinganjo vya kutsa.

Visimo 3:7

Kesi ulimone ngwe u muka-mana embwe, oloni komoka Shukulu Kalunga, tunda ku vuvi.

Visimo 4:24

Kesi wendeke cuma ca makuli. Kesi ulinge makuli nambe kwendeka majwi akutanganesa.

Visimo 8:13

Kusingimika Shukulu Kalunga kukekwo kuzinda vuvi, yange njazinda kulyalesa nakulyaka ku vukama, njazinda lalo vingila vya vuvi na majwi a makuli.

Mateo 5:9

“Vanavezika vaje vaka-kwolwesa n̄ole, omwo vakavatumbula vana va Njambi!

Vilinga vya Miluwa 10:38

Mwazivuka vya Yesu wa ku Nazaleta na muje Njambi wamuvwavesele Munzinzime Wakujela na nzili. Wendanganene kwoshe-ikwoshe nakulinga vyavivwa nakukangwisa voshe vaje vakele mwisi ya nzili ya Liyavola, omwo Njambi wakele amo nendi.

Loma 12:18

Lingeni vyuma vyoshe ngwe mumunasela nakuyoya mu kwoloka kuli munu na munu.

Loma 12:9

Cizemo cinapande kutungukwa. Zindeni vyuma vyoshe vije vinapu vyavivi, kakateyeni kuli vije vyavivwa.

Loma 14:17

Omwo Vumwene vwa Njambi kesi ngwe vunapu vwa vyakulya nakunwa embwe, oloni vunapu vwa vushunga na kwoloka nakujolela mu Munzinzime Wakujela.

Loma 14:19

Ngecivene, simbu yoshe tunapande kuyongola a vyuma vije vinena kwoloka na vije vikwasa kutakamesa kuli umo na mukwavo.

2 Kolinte 13:11

Akumanesa, vakwetu, saleniho! Kakateyeni kulumbunuka, tolilileni kukulambela kwange, kaleni na mbunge imo, kaleni mu kwoloka. Co Njambi muka-cizemo na kwoloka akakala amo neni.

Ngalatiya 6:10

Ngecivene, ngwe omo tuli na simbu, tunapande kulingila vuvwa kuli munu na munu, vunene vene kuli vaje vanakundama ku naanga yetu mukukulaela.

1 Tesalonika 4:11

Pweni vaka-kuyoya mu kwoloka, akeni mana eni ku vyuma vyeni, nakupanga vyakulikwasa navyo yeni vavenya, ngwe muje twamilekeke laja.

2 Timateo 2:19

Oloni luvula lwakukola luje lwanajala laja Njambi kuvasa kuluningangesa, co alukelwo vanasonekao majwi awa ngwavo, “Mwene azivuka vaje vanapu vendi” co “Voshe vaje valitumbula ngwavo vanakundama kuli Mwene vanapande kutenguluka kutunda kukulinga vyavivi.”

Tito 2:14

Walyecelele ikeye vavenya ali yetu, mukututundisa ku vivi vyoshe nakutupwisa vanu vakujela vakukundama kuli ikeye lika vaje vali na cizango cakulinga vyavivwa.

VaHevelu 12:14

Esekeni kukala mu kwoloka na vanu voshe, co lalo esekeni kuyoya na lyovwa-ovwa, omwo nga evi vyahi ku munu, co kakamono Mwene.

VaHevelu 13:16

Kesi mwivale kulinga mwamuvwa nakulikwasa umo na mukwavo, omwo evi vikevyo n̄ombelo vivwaelelesa Njambi.

1 Petulu 3:11

Napande kutunda ku vuvi nakulinga vyuma vyavivwa, napande kushakezeka kwoloka na mbunge yendi yoshe.

3 Yowano 1:11

Musamba wange injazema, kesi utembunwine vije vyavivi, oloni tembuwina vije vyavivwa. Woshe uje alinga vyavivwa ikeye wakundama kuli Njambi, woshe uje alinga vyavivi kamwene Njambi.