Myaso 33:10 - Livulu lya Shukulu Kalunga

¹⁰ Shukulu Kalunga anyongesa mana a vanu, ikeye atanganesa matumbe a vanu kuwapwisa angoco.

Myaso 33:10 Iomraidhean Croise

Kushangumuka 11:8

Ngecivene, Shukulu Kalunga wavashandwelele ano asi oshe, co vaje vanu valikelele kutunga ije nganda.

2 Samwele 15:31

Omo Ndaviti vamulekele ngwavo Ahitofele nalipandakana na Avisalome mukumutengulukila, co Ndaviti walombelele ngwendi, “Shukulu Kalunga, pwisa kunangula kwa Ahitofele kupwe kwangoco!”

2 Samwele 15:34

oloni ukanjikwasa nga wiluka ku nganda nakuleka Avisalome ngwove, ‘Yange njikupangela na kulongwa ngwe munjapangelele isho.’ Co ukalinga mwoshe muunasela kupopolola kunangula kwa Ahitofele.

2 Samwele 17:14

Avisalome na vaIsalele voshe vendekele ngwavo, “Kunangula kwa Hushai kunapu kwakuvwa manene kutuvakana kunangula kwa Ahitofele.” Shukulu Kalunga wavwaesele ngeci kunangula kwakuvwa kwa Ahitofele kesi vacikave, ngeci vukalu vukaije ali Avisalome.

2 Samwele 17:23

Omo Ahitofele wamwene ngeci kuvakavele kunangula kwendi, walondele a cimulu cendi welukile kwimbo lyendi. Omo wamanesele kuvwaesa vyendi vyoshe, walishukikile ikeye vavenya. Vamutsindile mu mbumbo ya naanga yendi.

2 Vimyene 6:9

Oloni Elisha watumine majwi kuli mwene wa mu Isalele, nakumunangula ngwendi kesi ashwenye kuyehi na mutambela uje, omwo vaSilya vanavavandamena kuje nakuvalwisa.

Nehemiya 4:9

oloni twalombelele kuli Njambi yetu, co twaakele vaka-kunyunga mutanya na vutsiki ngeci kesi vatulwise.

Myaso 140:8

Shukulu Kalunga, kesi waane vaka-vuvi vije vivashaka, kesi utave matumbe avo amavi aye kulutwe!

Myaso 21:11

Nameme vatumba matumbe avo amavi akumulwisa, oloni kuvakamufungulula embwe.

Myaso 9:15

Vaka-kujeneka kukulaela, vanendi mbulu nakuwilamo. Myanja yavo inatsi mu myeto yavo vavenya.

Visimo 21:30

Mana a vunu nakunyanyama nakuzivuka, kuvikwasa nga Shukulu Kalunga nakuvyana.

Isaya 19:3

Njikatanganesa matumbe na viyongola vya vaka-Ingito, Vakehula tumponya twavo ngeci vavakwase, vakaya nakwihula kuli vaka-kwendeka na vakulu, nakwihula lalo ku minzinzime ya vatsi ngeci ivanangule.

Isaya 44:23

Tambekeni nakujolela, yeni melu! Tambekeni, yeni mitambela ya mwisi ya kaye! Tambekeni nakujolela, yeni minkinda na miti yoshe ya mu shwata! Shukulu Kalunga namwesa vukama vwendi akwamena vanu vendi va Isalele.

Isaya 44:25

Vaka-kutaa njivapwisa vilema, nakuvindika vimona vya vaka-makuli. Majwi a vaka-kunyanyama, njikawapwisa angoco, nakumwesa ngeci mana avo anapu vulema.

Njelemiya 19:7

Mu mutambela uje njikatanganesa matumbe oshe a vanu va mu Yunda na vanu va mu Yelusalema. Njikecela vitozi vavo kuvalyatangela nakuvatsiila mu nzita. Co njikana mivila yavo ku tuzila na ku tusitu kupwa vyakulya vyavo.

Ezekiyele 20:32

Munayongola ngeci mushaka kupwa ngwe miyati yeka, nakufwa ngwe vanu vaje vayoya mu mafuti eka nakulemesa tumponya twa viti na mamanya. Oloni eci kucikalingiwa embwe.”

Malakiya 1:4

Nga vatekulwila va Isau vaEndome vendeka ngwavo, “Vinganda vyetu vinapu vingundu, oloni tukavitungulula.” Co Shukulu Kalunga akakumbulula ngwendi, “Vasa kutungulula, oloni njikavisiwula lalo. Co vakavatumbula ngwavo, ‘Lifuti lya vaka-vuvi,’ na ‘Muyati wa vanu vaaluvalela Shukulu Kalunga ku myaka yoshe.’ ”