Myaso 32:5 - Livulu lya Shukulu Kalunga

⁵ Njalitavelele vivi vyange kuli yove, co kunjakushwekelele vuvi vwange, njalyendekesele mu mbunge yange ngwange, “Njikalitavela vivulumuna vyange kuli yove Shukulu Kalunga,” co yove wanjisambesele ku milonga ya vuvi vwange.

Myaso 32:5 Iomraidhean Croise

2 Samwele 12:13

Ndaviti wendekele ngwendi, “Njinalingi vuvi kuli Shukulu Kalunga.” Co Natane wamulekele ngwendi, “Shukulu Kalunga nakusambesa ku vuvi vwove, kuukatsi embwe.

2 Samwele 12:9

Ngecivene, omwo vikajo kuwononokele kushika kwange? Omwo vikajo unalingi vuvi vwangacije? Yove unatsiisa Uliya mu nzita, unatava vaAmoni vamutsiye, ngeci unambata munakazi wendi!

2 Samwele 24:10

Oloni omo Ndaviti wamanesele kulava vanu, citaku-taku camuyandesele manene, co wendekele kuli Shukulu Kalunga ngwendi, “Njinavulumuna manene akulinga cuma eci! Shukulu njisambese. Njinalingi mwavulema.”

2 Samwele 24:17

Ndaviti wamwene kangelo uje wakele nakutsiya vanu, co wendekele kuli Shukulu Kalunga ngwendi, “Yange vene njili na mulonga. Yange njalingile mwamuvi. Indi ava vanu vayanda vanalingi vikajo? Yove unapande kuhisa yange na naanga yange.”

1 Vimyene 8:50

Vasambese ku vivi vyavo vyoshe nakutengulukila kwavo kuje vakutengulukilile, co lingisa vitozi vavo ngeci vavazivile ngozi.

2 Mizimbu 6:29

tolilila ku malombelo avo. Nga vanu vove va Isalele vaziva vusiwa ku mbunge, co nga volwela mavoko avo ku Njuvo ino nakulombela,

Ezela 10:11

Ngecivene, ololo, litaveleni vuvi vweni kuli Shukulu Kalunga, Njambi ya vakukulwila veni, nakulinga vije asshaka. Lyangunukeni na vanu va mu lifuti lino, co lalo lyangunukeni na vanakazi vaje kesi vaYunda.”

Yombi 31:33

“Vanu vamo vakeseka kushweka vuvi vwavo, oloni yange kunjashwekele vuvi vwange.

Yombi 33:27

Co ikeye akendeka mu mbunga ya vanu ngwendi, ‘Njalingi vuvi. Kunjalingile mwamuvwa embwe, oloni Njambi nanjamena.

Myaso 103:12

Ngwe muvyalyangunuka ngangela na kangombe ka yambi, mukemwo lalo mwakatundisa vuvi vwetu.

Myaso 103:3

Ikeye muka-kunjisambesa ku vivi vyange vyoshe, nakukangwisa mishongo yange yoshe.

Myaso 25:16

Tengulukila kuli yange yove Shukulu Kalunga, nakunjizivilako mema ku mbunge, omwo njili ange lika, co njinazeye.

Myaso 25:18

Yongola tuyando twange na n̄avava yange, co njisambese ku vuvi vwange vwoshe.

Myaso 30:5

Omwo kuluvala kwendi kwa kasimbu lika, oloni vuvwa vwendi vwapwa vwa simbu yoshe. Kulila kukakalako a simbu ya vutsiki, oloni kujolela kukakalako ku mutondo.

Myaso 38:18

Njilitavela vuvi vwange, vukevwo vulinakunjizivisa shwamwa.

Myaso 38:19

Vitozi vange vakolesa, vali na nzili, co vavangi vananjizindi kujeneka mulonga.

Myaso 51:6

Kukulaela na vushunga vikevyo viwashaka, njishulise na mana ove.

Myaso 86:15

Oloni yove Shukulu Kalunga u muka-kuzivila mema ku mbunge wapwa u Njambi wa ngozi na cizemo, kuwesi kuluvala vwasi, washula na cizemo cije kucesi kutenguluka, u Njambi wa vushunga.

Myaso 86:5

Omwo yove Shukulu Kalunga wapwa uwamuvwa kuli yetu u muka-kusambesa, washula na cizemo cije kucesi kutenguluka kuli voshe vaje valombela kuli yove.

Visimo 28:13

Uje ashweka vuvi vwendi kakavezika, oloni uje alitavelavwo nakuvuseza Njambi akamuzivila mema ku mbunge.

Visimo 30:20

Munakazi muka-kulinga vupangala akendeka ngwendi, “Kulimona na munalume weka cinapu ngwe kulya vyakulya.”

Isaya 65:24

Njikakumbulula malombelo avo simbu kanda vacimanese kulombela.

Njelemiya 2:23

Vatijo wendeka ngwove kuwalijwalesele nameme kulemesa Mbale? Oloni anuka muje muwalingile vuvi mu cana, kenga vije viwunalingi. Yove unalifu ngwe kamelo wa lwavo uje ali na lishungu, ashatukila noku-noku mu mambo omwo ya lishungu lyendi,

Njelemiya 2:35

mwendeka ngweni, ‘Kutwesi na mulonga, mwa vushunga Shukulu Kalunga, kaluvalele netu.’ Oloni yange Kalunga, njimihisa omwo munavyana ngweni kumwalingile vuvi.

Njelemiya 3:13

Litavele lika ngwove uli na mulonga, co unatengulukila nakulwisa Shukulu Kalunga Njambi yove. Litavele ngwove unalingi vupangala mu minzinze yoshe ya miti, na vinjambi veka ngeci kuwononokele mashiko ange. Yange Kalunga, njinendekamo.

Njelemiya 31:20

“Isalele, yove wapwa munange injazema manene, wapwa mwana injazema manene kutuvakana. Nameme njishaka kukunyanyamesa, anga vene njikuyongola. Mbunge yange ikushaka manene, co njikakuzivila mema ku mbunge.

Hoziya 6:1

Vanu vendeka ngwavo, “Ijeni twiluke kuli Shukulu Kalunga. Nameme natusanyozola vipuka-vipuka, oloni akatukangwisa lalo, nameme natutu vimbandu, oloni akatuzengao vinanga.

VaLevi 5:5

“Nga munu nalingi mulonga, alitavele vuvi vwendi vuje vwanalingi,

Malakiya 3:8

Kuma munu asa kwivila Njambi ndi? Oloni mulinakunjivila. Co mwihula ngweni, ‘Tulinakukwivila vatijo?’ Akunjana cavulikumi na vin̄ombelo.

Luka 16:15

Yesu wendekele kuli vakevo ngwendi, “Yeni mukalimwesa kupwa muvaka-vushunga ku mesho a vanu, oloni Njambi azivuka vimbunge vyeni. Omwo vije vayongola vanu ngwavo vinapu vya seo, oloni ku mesho a Njambi vinapu vyangoco.

Luka 7:47

Njikuleka ngwange, vivi vyendi vyavingi vanavisambesa omwo namwesa cizemo cendi cakama. Oloni kuli uje vanecela vyavindondo, akamwesa cizemo cacindondo.”

Efeso 4:32

Oloni pweni vaka-ngozi na vaka-mbunge ya lyovwa-ovwa kuli umo na mukwavo, co lisambeseni umo na mukwavo, ngwe mwanamisambesa Njambi muli Kilistu.

Yoshwa 7:19

Asinoni Yoshwa wendekele kuli ikeye ngwendi, “Munange, endeka vushunga ku mesho a Shukulu Kalunga Njambi ya Isalele, co litavele. Njileke evi viwunalingi. Kesi unjishwekelevyo.”