Myaso 31:21 - Livulu lya Shukulu Kalunga

²¹ Shangazaleni Shukulu Kalunga! Omo wanjimwesele cizemo cendi cakukomokesa cije kucesi kutenguluka omo vanjizengelekele nakunjilwisa!

Myaso 31:21 Iomraidhean Croise

Yombi 5:21

Njambi akakupatula kuli vaka-kwendeka makuli. Ikeye akakwamena kukunyonga.

Myaso 118:23

Eci cikeco calingile Shukulu Kalunga, co cinapu cakukomokesa kuli yetu!

Myaso 17:7

Sholola cizemo cove cakukomokesa co njamene, yove ukanjamena na livoko lyove lya cilyo ku vitozi vange.

Myaso 27:5

A simbu ya tuyando akanjishweka mu cimpaka cendi, co akanjinyunga mwamuvwa mu Njuvo yendi, co akanjitumbika a limanya lyalilaja.

Myaso 98:1

Imbileni Shukulu Kalunga mwaso wauha, nalingi vyuma vyakukomokesa! Mu nzili yendi nahyana vyoshe.

Njelemiya 1:18

Co yange njikakupwisa nganda yakukola manene, nambe ngwe manda ya vutale, nambe civumbe ca vunengu, mukulwisa lifuti lyoshe, vimyene voshe va mu Yunda, na vamyata vamwo, na vaka-kukombelela vamwo, na vanu voshe va mu lifuti.

1 Petulu 2:9

Oloni yeni munapu muyati wakwangula, vaka-kukombelela va Mwene, muyati wakujela, vanu va Njambi vavenya, vanamyangula mukwambulula vikomokeso vya vilinga vya Njambi, uje wamisanene kumitundisa mu lisusulungu kuminena ku ceke cendi cakukomokesa.