Myaso 31:18 - Livulu lya Shukulu Kalunga

¹⁸ Olwesa vaje vaka-makuli, na voshe vaka-kulyalesa na vaka-kulindula, vaje vendeka na kayengu kuli vaka-vushunga!

Myaso 31:18 Iomraidhean Croise

2 Mizimbu 32:16

Vamyata va vaAsilya vendekele vyuma vyavivi manene ali Shukulu Kalunga Njambi na ali Hezekiya, ngamba ya Shukulu Kalunga.

Myaso 12:3

Yove Shukulu Kalunga, olwesa majwi a vaka-kuseveleka, co shoka tunwa twa vaka-kulishasha! Vaje vendeka ngwavo,

Myaso 120:2

Shukulu Kalunga njamene kuli vaka-makuli na kuli vaka-kukwisa!

Myaso 25:3

Mwa vushunga naumo wai akulaela kuli yove akaziva shwamwa, shwamwa ikola vaka-vungungu omwo kashwilo kai.

Myaso 59:12

Vendeka vyavivi mu tunwa twavo, na majwi avo oshe anapu a vuvi, mu kulyalesa kwavo mukemwo vakavakwatela! Omwo valisinga nakwendeka makuli,

Myaso 63:11

Mwene akavwaelela muli Njambi, voshe vaje vanakulaela mu lizina lya Njambi vakajolela, oloni vaka-makuli vakoloka kuluu.

Myaso 94:4

Mapwepwe vakalyalesa visimbu vingaijo? Visimbu vingai vakavwaelela a milonga yavo?

Visimo 12:19

Muka-makuli akayoyo kasimbu kakandondo lika, oloni muka-vushunga akayoyo myaka yoshe.

Isaya 54:17

Oloni kukwesi citwa cikasa kukuvulumuna, ukasa kukumbulula vaje voshe vakendeka majwi a makuli ali yove. Njikemanena vangamba vange nakuvahyanesa.” Mwanendeka Shukulu Kalunga.

Mateo 10:25

Ngecivene, ndongisi napande kulilongesa ngeci apwe amo na mulongisi wendi, co ndungo lalo napande kupanga ngeci apwe amo na shukulu yendi. Nga vavenya njuvo vamutumbula ngwavo Mbelezembulu, cooni naanga ya mu njuvo ije vakavatumbula mazina amavi manene!

Mateo 12:24

Oloni omo vaFaliseo vavazivile, vendekele ngwavo, “Munalume ou alinakutundisa minzinzime yakujwala omwo ali na nzili yanamwana Mbelezembulu mwene ya minzinzime yakujwala.”

Yowano 8:44

Yeni muli na ishweni, Liyavola, co mushaka kukava mashungu a ishweni. Tunde akulivanga ikeye wapwile muka-kutsiya, co kapwile muka-vushunga embwe, omwo muli ikeye kumwakele vushunga. Omo endeka makuli, endeka muje mwafwila, omwo wapwa muka-makuli, co ikeye ishe ya makuli.

Yowano 8:48

Vehwile Yesu ngwavo, “Kuma kutwatombwele omo twendekele ngwetu u muka-Samaliya, co muli yove lalo muli munzinzime wakujwala?”

Vilinga vya Miluwa 25:7

Omo Paulu wetele, vaYunda vaje vatundile ku Yelusalema vemanene nakumuzengeleka vashangumukile kumwana mulonga a vyuma vyavingi, vije kuvasele kuwana vukaleo.

Yunda 1:15

mukusompa voshe, mukuhisa vanu voshe vanalingi vilinga vyakushaula Njambi naa majwi avo oshe amavi akushaula Njambi avamwendekele aje kuvapandele kuwendeka kuli ikeye.”

Kujombolola 21:8

Oloni vaka-lyova na vaka-kujeneka kukulaela na vaka-kulinga vya vunyengwe na vaka-kutsiya na vaka-vupangala na valozi na vaka-kulemesa tumponya na vaka-makuli mwela wavo ukapwa mu lishali lyakwenya na tuhya na sulufa, kukekwo kutsa kwamucivali.”

Kujombolola 22:15

Oloni anja ya nganda ali tutali na valozi na vaka-vupangala na vaka-kutsiya na vaka-kulemesa tumponya na vaka-makuli mu majwi na mu vilinga.

1 Samwele 2:3

“Kesi mwendeke majwi akulishasha, kesi mulyalese. Omwo Shukulu Kalunga ikeye Njambi azivuka, co asompa vyoshe vivalinga vanu.