Myaso 31:15 - Livulu lya Shukulu Kalunga

¹⁵ Mwonyo wange woshe uli mu mavoko ove, njamene ku vitozi vange, na kuli voshe vaje vanjiyandesa.

Myaso 31:15 Iomraidhean Croise

2 Samwele 7:12

Omo ukatsa nakukutsinda na vakukulwila vove, co njikapwisa umo wa ali vana vove mwene, njikakolesa vumwene vwendi.

2 Mizimbu 14:10

Co Asa wamulwisile, vinzita vyoshe vivali vyalikwalalekele mu myela yavyo ku Cana ca Zefata kuyehi na Malesha.

Yombi 24:1

“Omwo vikajo Njambi Muka-nzili yoshe kemikile simbu yakusompesa, kupwa litangwa lya vushunga kuli vaje vamupangela?

Myaso 116:15

Kutsa kwa vaka-kukulaela, kuli na seo ku mesho a Shukulu Kalunga.

Myaso 140:7

Yove Shukulu Kalunga Njambi yange wa Akamwa ya Vyoshe, yove muka-kunjamena mu nzita.

Myaso 142:6

Tolilila ku lilombelo lyange ngeci unjikwase omwo yange njinazeye. Njamene ku vitozi vange, omwo vali na nzili ali yange.

Myaso 143:12

Omwo cizemo cove kuli yange, cije kucesi kutenguluka tsiya vitozi vange, nakunyongesa voshe vaje vaka-kunjiyandesa, omwo yange njapwa nji ngamba yove.

Myaso 143:3

Citozi cange nanjisheke, co nanjifungulula, nanjilingisa ngeci njikale mu lisusulungu, co njinafu ngwe munu wa kutsa.

Myaso 143:9

Shukulu Kalunga njipatule ku vitozi vange, njinatewela kuli yove ngeci unjishweke.

Myaso 17:13

Ija, yove Shukulu Kalunga, popolola vitozi vange nakuvafungulula! Njamene kuli vaka-vuvi na moko yove ya mukwale.

Myaso 25:2

Muli yove Njambi yange njinakulaela. Shwamwa kesi injikole, vitozi vange kesi vanjifungulule!

Myaso 91:2

akendeka kuli ikeye ngwendi, “Yove wapwa vutewelo vwange na cimpaka cange! Yove wapwa u Njambi yange, kuli yove njinakulaela.”

Kutuuka 40:37

oloni nga lishelwa kulyatundileo, co kuvendele noo a litangwa lije omo lishelwa lyatundile a Mbalaka.

Isaya 25:1

Yove Shukulu Kalunga, yove wapwa u Njambi yange, njikakulemesa, nakushangazala lizina lyove. Omwo unalingi vyuma vyakukomokesa, a kulongwa kwove unamanesa matumbe awayongwele laja.

Njelemiya 31:18

“Njazivi vanu vaIsalele valinyenga ngwavo ‘Shukulu Kalunga, twafwile ngwe tusitu vakujeneka kwononwesa, oloni watulongesele kwononoka. Twilwise, co tukeluka kuli yove, Shukulu Kalunga Njambi yetu.

Luka 9:51

Omo matangwa ashwenyele kuyehi ngeci Yesu vamutwale mwilu, watengulwile viyongola vyendi, co waile ku Yelusalema.

Yowano 12:27

“Ololo mbunge yange ilinakuyanda, co njendeka vika? Njendeke ngwange, ‘Tate, njamene ku simbu eyi ndi’? Oloni evi vikevyo vinjezilile, ngeci njiite mu simbu eyi ya tuyando.

Yowano 13:1

Simbu litangwa lya Ciwano ca Pasovala kanda lyete, Yesu wazivukile ngeci simbu yendi inete yakutunda muno mu kaye nakuya kuli Ishe. Ikeye wazemene vaje vakele muno mu kaye vaje vapwile vendi, co wavazemene na akukotoka.

Yowano 17:1

Omo Yesu wamanesele kwendeka vyuma evi, wandwile mesho endi kwilu wendekele ngwendi, “Tate, simbu inete. Ana vumpau kuli Munove, ngeci Munove aane vumpau kuli yove.

Yowano 7:30

Ngecivene, vashakele kumukwata, oloni naumo wai wakambekele livoko ali ikeye, omwo simbu yendi te kanda yete.

Yowano 7:6

Yesu wendekele kuli vakevo ngwendi, “Simbu yange kanda icete. Oloni kuli yeni simbu yoshe inapu yaivwa.

Vilinga vya Miluwa 1:7

Yesu wendekele kuli vakevo ngwendi, “Kesi kuli yeni kuzivuka visimbu na myaka vije vyanavwaesa ku moko ya Tate vavenya.

Vilinga vya Miluwa 23:11

Ku vutsiki vuje vene Mwene wemanene kuyehi na Paulu wendekele ngwendi, “Kesi uzive lyova! Unaana vukaleo vwove ali yange muno mu Yelusalema, co unapande kulinga cifwa cimo lalo na mu Loma.”

Vilinga vya Miluwa 27:24

nakwendeka ngwendi, ‘Kesi uzive lyova, Paulu! Unapande kwimana ku mesho a Nguvulu. Co Njambi nakunyungila voshe ava ulinakujavuka navo mu vwato.’

2 Timateo 4:6

Oloni ngeci mwange, simbu inete yakunjikombelela, simbu inete kuli yange yakuseza mwonyo ou njilinawo.

2 Petulu 1:14

Omwo njazivuka ngwange ololo njikashulula muvila uno wakuvola, ngwe mwanjilekele Mwene yetu Yesu Kilistu.

1 Samwele 26:10

Co Ndaviti wendekele lalo ngwendi, “Ali Shukulu Kalunga wakuyoya, njazivuka ngeci Shukulu Kalunga ikeye vavenya akatsiya Saulu, nambe omo simbu yendi inete ya kutsa kalili, nambe ya kutsa mu nzita.