Myaso 30:5 - Livulu lya Shukulu Kalunga

⁵ Omwo kuluvala kwendi kwa kasimbu lika, oloni vuvwa vwendi vwapwa vwa simbu yoshe. Kulila kukakalako a simbu ya vutsiki, oloni kujolela kukakalako ku mutondo.

Myaso 30:5 Iomraidhean Croise

Kushangumuka 32:24

oloni ikeye wasalele endi lika munima. Asinoni munalume wezile walyundwile nendi mu vimbando noo a mungulungengu.

Myaso 103:17

Oloni cizemo ca Shukulu Kalunga kucesi kutenguluka kuli vaje vamukomoka, cikakalako myaka yoshe, na vuvwa vwendi lalo vukakala ku cisemwa coshe,

Myaso 103:9

Shukulu Kalunga kesi kuhisa simbu yoshe, ikeye lalo kesi kuluvala simbu yoshe embwe.

Myaso 143:8

A mutondo a mutondo, njanukise vya cizemo cove, cije kucesi kutenguluka omwo njinakulaela kuli yove. Malombelo ange ete kuli yove, njimwese ngila munjinapande kwendela.

Myaso 145:10

Vitanga vyove vyoshe vikakushangazala Shukulu Kalunga, na vaka-kujela vove voshe vakakwalesa.

Myaso 16:11

Unanjimwesa ngila itwala ku mwonyo, co njivwaelela kukala kuyehi nove, simbu yoshe njivwaelela akunyunga kwove.

Myaso 46:5

Njambi ikeye wakala muje mu nganda, co naumo wai akainyongesa, oloni akaikwasa a mungulungengu.

Myaso 47:7

Njambi ikeye mwene wa ano asi oshe, mulemeseni na myaso!

Myaso 59:16

A mutondo njikaimba a nzili yove, njikaimba nakutambeka a cizemo cove cije kucesi kutenguluka. Omwo yove wapwa cimpaka cange, cimpaka cange a litangwa lya tuyando.

Myaso 63:3

Cizemo cove cije kucesi kutenguluka capwa cacivwa kuli yange kutuvakana mwonyo, ngecivene, njikakushangazala.

Myaso 97:12

Joleleni muli Shukulu Kalunga yeni voshe vaka-vushunga, anukeni vije vyanalingi Njambi wakujela, co mushangazaleni.

Kutuuka 3:15

Njambi wendekele lalo kuli Mosesa ngwendi, “Endeka kuli vaIsalele ngwove, ‘Yange Kalunga, Njambi ya vakukulwila veni, ikeye Njambi ya Avilahama, na Isake, na Yakomba, ikeye nanjitumu kuli yeni.’ Eli likelyo likapwa lizina lyange ku myaka yoshe, omu mukemwo muvakanjitumbula ku visemwa vyoshe vikaija kulutwe.

Isaya 12:1

Litangwa lilinakwija omo vanu vakaimba ngwavo, “Njikushangazala yove Shukulu Kalunga! Yove waluvalele nange, oloni unanjizembeleka, co kuwaluvalele lalo.

Isaya 26:20

Vanu vange, koveleni mu vinjuvo vyeni, co lishokeyeyenimo. Vandeni kasimbu kakandondo lika, noo vukalu vwa Njambi vunahu.

Hoziya 6:3

Tulilongeseni kuzivuka Shukulu Kalunga. Mwa vushunga vene akaija kuli yetu ngwe kutuuka kwa litangwa, ngwe nyonzi a simbu ya ndombo ije ikajulisa livu.”

Mateo 5:4

“Vanavezika vaje valinakulila, omwo Njambi akavazembeleka!

2 Kolinte 4:17

Co otu tuyando twetu twatundondo lika ngwe twa kasimbu lika nakutunenela vumpau vwa myaka yoshe, vuje vwakama manene kutuvakana tuyando.

Kujombolola 22:1

Asinoni kangelo wanjimwesele ndonga ya mema a mwonyo, yakuvyakuma ngwe kilisitale, yatundile ku litanda lya Njambi na lije lya Muna Manga,

Kujombolola 22:17

Munzinzime na Shombolwa vendeka ngwavo, “Ija!” Woshe uje aziva evi napande lalo kwendeka ngwendi, “Ija!” Woshe uje ali na lihwila aije, woshe uje ashaka, atambule mema a mwonyo a vwana.