Myaso 30:11 - Livulu lya Shukulu Kalunga

¹¹ Unatengulula vusiwa vwange kuvupwisa kujolela, unatundisa vusiwa vwange nakunjana kujolela.

Myaso 30:11 Iomraidhean Croise

Kushangumuka 37:35

Asinoni vana vendi voshe va vanalume na ava va vanakazi vezile kuli ikeye nakumuzembeleka, oloni ikeye wavyanene kumuzembeleka wendekele ngwendi, “Njikaya ku vukalo vwa vatsi anga njicilila munange.” Ngecivene, watwaleleo kulila manene munendi Yosefa.

Kushangumuka 45:28

Yakomba wendekele ngwendi “Mukemwo kunau! Kuma munange Yosefa acili na kuyoya! Njinapande njiye njikamumone simbu kanda njitse.”

2 Samwele 6:14

Ndaviti wazalele nanga ya linyu mu mbunda yendi, co wakinine na nzili yendi yoshe nakusingimika Shukulu Kalunga.

2 Mizimbu 20:12

Yove u Njambi yetu! Vahise, omwo yetu kutwesi na nzili ku mbunga ya mashwalale ava vavangi ngacije ava valinakutulwisa. Kutuzivuka vatijo tulinga, oloni tulinakukenga mesho kuli yove ngeci utukwase.”

2 Mizimbu 20:3

Njosefati wajajele manene, co walombelele kuli Shukulu Kalunga ngeci amutwamenene. Washikile lifuti lyoshe lya Yunda ngeci valikele kulya.

2 Mizimbu 20:9

ngeci nga vukalu vumo vuvakovelela nakuvahisa, nambe nzita, nambe mushongo wakulitambwisa, nambe njala, vakevo vakaija nakwimana kulutwe lwa Njuvo eyi muvakakulemesela. Co mu vukalu vwavo vakalombela kuli yove, co ukavaziva nakuvapatula.”

Nehemiya 8:10

Yeni ku vinjuvo vyeni mukalinge ciwano. Lipangeleni vyakulya vyeni na vinyu na vaje vanajeneka. Litangwa lya lelo linapu lyakujela kuli Shukulu Kalunga ketu, ngecivene, kesi mukale na vusiwa. Kujolela kwa Shukulu Kalunga kukamitakamesa.”

Esita 9:22

Awa akewo matangwa aje vaYunda vafungulwile vitozi vavo, co ku ngonde ije vene kuviilila kwavo kwatengulukile kujolela, vusiwa vwavo vwatengulukile kuvwaelela. Co vavalekele ngeci vaapwise matangwa a ciwano nakujolela, nakulyana vwana vwa vyakulya kuli umo na mukwavo nakwana vwana kuli tuutu.

Myaso 149:3

Shangazaleni lizina lyendi nakukina, mwimbileni myaso yakumushangazala, na vingoma na tulyalya.

Myaso 150:4

Mushangazaleni nakukina na vingoma! Mushangazaleni na tulyalya na vimbendo!

Myaso 27:7

Njitolilile omo njilombela kuli yove Shukulu Kalunga! Njizivileko mema ku mbunge ngeci unjikumbulule!

Myaso 30:5

Omwo kuluvala kwendi kwa kasimbu lika, oloni vuvwa vwendi vwapwa vwa simbu yoshe. Kulila kukakalako a simbu ya vutsiki, oloni kujolela kukakalako ku mutondo.

Myaso 4:7

Oloni kuvwaelela oku kuunanjana kunapu kwakama manene, kunatuvakana kuvwaelela kwa vaje vali na vimbuto vyavingi na vinyu vyavo vyavingi vyaviha.

Muka-kwambulula 3:4

Kuli simbu ya vusiwa, na simbu yakujolela, kuli simbu yakulila, na simbu yakukina,

Isaya 25:3

Vanu vaka-mafuti a nzili vakakushangazala, vakakukomoka mu vinganda vya miyati ya vaka-muuka.

Isaya 25:8

Shukulu Kalunga wa Akamwa ya Vyoshe akanyongesa nzili ya kutsa nakusikumuna misozi ku mesho a munu na munu, co vanu vendi kuvakazivi shwamwa kwoshe-ikwoshe muno mu kaye mwoshe. Shukulu Kalunga vavenya nendekamo.

Isaya 61:10

Yelusalema ijolela omwo vije vyanalingi Shukulu Kalunga. Shukulu Kalunga nafu ngwe shombolwa nazala vuzalo vwa vushombolwa. Njambi namwamena nakumuhyanesa.

Isaya 61:3

nakwana kuli vaje valinakulila mu Siyone kuvwaelela nakujolela. Mwaso wakushangazala ukakalako kwinga mu mwaso wa vusiwa. Vakafwa ngwe miti ije yanakunu vavenya Shukulu Kalunga. Voshe vakalinga vya vushunga, co vakashangazala Njambi a vije vyanalingi.

Njelemiya 31:4

Co lalo njikakala neni, co lalo mukambata tumbulumbumba tweni nakukina nakujolela manene.

Njelemiya 52:33

Ngecivene, Yehoyakine vamutavesele kuzala vuzalo vwendi kutuvakana kuzala vuzalo vwa mu kamenga, co vamutavesele lalo kulyalyalya amo na mwene matangwa oshe akuyoya kwendi kwoshe.

Luka 15:22

Oloni ishe wasanene vangamba vendi ngwendi, ‘Zambuleniko! Neneni cikoveyo cacivwa mumuzike. Co lalo muzikeni kanzeya ku mulavo wendi na vin̄aku ku mendi endi.

Yowano 16:20

Mwa vushunga njimileka ngwange, mukalila nakusikoka manene, oloni vaka-kaye vakajolela, mukakala na vusiwa, oloni vusiwa vweni vukatenguluka kupwa kujolela.

Kujombolola 21:4

Akasikumuna misozi yoshe ku mesho avo. Co kukukakala kutsa nambe vusiwa nambe kulila nambe kukemanga. Omwo vyuma vyalaja vineti.”