Myaso 28:9 - Livulu lya Shukulu Kalunga

⁹ Shukulu Kalunga amena vanu vove, co vezikisa vaje voshe vanapu vove. Pwa kanyungi kavo, vanyunge ku myaka yoshe.

Myaso 28:9 Iomraidhean Croise

2 Samwele 21:3

Ngecivene, Ndaviti wasanene vaNgimbiyone, co wavehwile ngwendi, “Vika njikamilingila? Njishaka kumifwetela a vuvi vuje vwalingiwile kuli yeni, ngeci muvezikise vanu va Shukulu Kalunga.”

2 Samwele 7:7

Mu mitambela mwoshe munjinende na vanu va Isalele nalumo lwai njehwile umo wa vantwama va miyati ya Isalele vaje njaangwile kunyunga vanu vange ngwange omwo vikajo kumwanjitungilile njuvo yakutunga na kendale.’

1 Vimyene 8:51

Vakevo vapwa vanu vove, vaje vawatundisile mu Ingito, muje mu lutengo lwa tuhya twakwezoka.

1 Vimyene 8:53

Wavaangwile ku miyati yoshe ngeci vapwe vanu vove, ngwe muje wavalekele ali ngamba yove Mosesa omo watundisile vakukulwila vetu ku Ingito.”

Ezela 1:4

Nga vanu vendi vamo vaje vali mu vunzinda vashaka vukwasi ngeci veluke, co vandambo vavo vanapande kuvakwasa siliva, na ngolinde, na vivala, na vimuna vakwambata vivala, na vin̄ombelo vya kulitombola vya mu Njuvo ya Shukulu Kalunga Njambi ili mu Yelusalema.”

Myaso 14:7

Kwamena kwa Isalele kwije kutunda ku Siyone! Omo Shukulu Kalunga akelwisa vanu vendi vaje vatwalele mu vunzinda, co Yakomba akavwaelela, na Isalele akajolela.

Myaso 25:22

Yove Njambi, amena Isalele ku tuyando twendi twoshe!

Myaso 78:71

wamutundisile ku matanga a vimanga akupwa 1,000, co wamupwisile mwene wa Isalele, kanyungi ka vanu va Njambi.

Isaya 40:11

Akanyunga vutanga vwendi mwamuvwa ngwe kanyungi, akakungulwila amolika vana va vimanga, nakuvambata mu mavoko endi, co akatwamenena vainavo kamandondo-kamandondo.

Isaya 46:3

“Njitolilileni, yeni vatekulwila va Yakomba, yeni voshe mwasalao kuli vanu vange. Njinamilele tunde ku simbu ije mwasemukile.

Isaya 63:9

ku tuyando twavo twoshe. Kesi kangelo embwe, oloni Shukulu Kalunga vavenya wavamenene. Mu cizemo cendi na mukutetela kwendi ngeci wavapatwile. Simbu ya kunima wakele nakuvanyunga,

Njelemiya 10:16

Njambi ya Yakomba kalifwile navo, ikeye lika watangele vyuma vyoshe, waangwile Isalele kupwa vanu vendi. Lizina lyendi ikeye Shukulu Kalunga Muka-nzili yoshe.

Njelemiya 31:7

Shukulu Kalunga alinakwendeka ngwendi, “Imbileni Isalele nakujolela, muyati wa vanu wakama kutuvakana miyati ya vanu voshe. Imbeni mwaso weni wakushangazala ngweni, ‘Shukulu Kalunga namena vanu vendi, napatula voshe vaje vasaleleo.’

Mika 5:2

Shukulu Kalunga alinakwendeka ngwendi, “Yove Mbetelehema Efaleta yove wapwa uwamundondo akati ka vinganda vya mu Yunda, oloni kuli yove kukatunda muka-kushwana Isalele, uje naanga yendi yakeleko tunde ku san̄ulu.”

Mika 5:4

Omo akaija, akashwana vanu vendi na nzili yakutunda kuli Shukulu Kalunga na vukama vwavavenya Shukulu Kalunga Njambi. Vanu vendi vakakala mu kwoloka omwo vanu va mu kaye mwoshe vakamona vukama vwendi,

Mika 7:14

Shukulu Kalunga pwa kanyungi ka vanu vove, vanu vaje vaunaangula. Nameme vakala mwavo lika valyangunukila mu mambo, oloni kuli livu lya vwilo kuje kuvanalizengeleka. Vatave ngeci vakale mu lifuti lya mwila wauvwa lya Mbashane na Ngilyande ngwe muje muvayongwele laja.

Mateo 2:6

‘Nove Mbetelehema mu lifuti lya Yunda, kesi uwamundondo akati ka vinganda vyakama vya mu Yunda, omwo kuli yove kukatunda muka-kushwana, ikeye akatwamenena vanu vange va Isalele.’ ”

Efeso 1:18

Njilomba lalo ngeci atonese mesho a vimbunge vyeni ngeci mumone ceke cendi, ngeci mwase kuzivuka cinyangavili cije wamisaneneco, muzivuke vufuko vuje vwakukomokesa vwa vivezikiso vije akulaesa vanu vendi,

Kwituluka mu Mashiko 1:31

na mu mambo lalo. Co munamono muje Shukulu Kalunga Njambi yeni wamyendesele mu vungenzi vweni vwoshe kweta na ku mutambela uno, ngwe muje munu mwakalele munendi.’

Kwituluka mu Mashiko 32:9

Oloni ikeye walyangwilile vatekulwila va Yakomba, wavaangwile kupwa vushwana vwendi.

Kwituluka mu Mashiko 9:26

Co njalombelele kuli Shukulu Kalunga ngwange, ‘Yove Shukulu Kalunga wa Akamwa ya Vyoshe, kesi unyongese vanu vove vaje vawapatwile na nzili yove yakama kuvatundisa mu Ingito na livoko lyove lya nzili.

Kwituluka mu Mashiko 9:29

Omwo ava vakevo vanu vove na vushwana vwove, vanu vaje vawaangwile kupwa vove. Wavatundisile mu Ingito na nzili yove yakama, na livoko lyove lyakwolola.’