Myaso 28:7 - Livulu lya Shukulu Kalunga

⁷ Shukulu Kalunga akanjinyungu nakunjamena, njinakulaela kuli ikeye. Ikeye anjikwasa nakunjivwaelelesa, co njikaimba mwaso wakumushangazala.

Myaso 28:7 Iomraidhean Croise

Kushangumuka 15:1

Munima yevi, Shukulu Kalunga wendekele kuli Avilama mu cimona ngwendi, “Kesi uzive lyova Avilama. Yange nji ntelo yove yakukuzikinina ku vushonde, co cikandelela cove cikapwa cakama manene.”

Myaso 13:5

Oloni njinakulaela cizemo cove cije kucesi kutenguluka, mbunge yange ikajolela omwo unanjovola.

Myaso 13:6

Njikakwimbila yove Shukulu Kalunga, omwo unanjilingi mwamuvwa.

Myaso 19:14

Majwi ange na viyongola vyange, vipwe vyavivwa ku mesho ove Shukulu Kalunga, limanya lyange na numbi yange ya lukule milonga!

Myaso 21:1

Mwene ajolela omwo yove Shukulu Kalunga unamwana nzili, avwaelela omwo unamuhyanesa.

Myaso 22:4

Vakukulwila vetu vakulaelele muli yove, vakukulaelele, co yove wavamenene.

Myaso 28:8

Shukulu Kalunga akanyungu vanu vendi, ikeye akamena nakwovola mwene uje yanavwavesa.

Myaso 3:3

Oloni yove Shukulu Kalunga, simbu yoshe wapwa u ntelo yange yakunjizikinina ku vushonde, yove unjihyanesa nakunjitakamesa.

Myaso 3:4

Njitambeka kuli Shukulu Kalunga mukunjikwasa, co anjikumbulula kutunda ku lilundu lyendi lyakujela.

Myaso 33:21

Tulinakujolela muli ikeye, omwo tunakulaela mu lizina lyendi lyakujela.

Myaso 37:39

Kwamena kwa vaka-vushunga kutunda kuli Shukulu Kalunga. Ikeye vutewelo vwavo a simbu ya tuyando.

Myaso 40:3

Wanjilongesele kwimba mwaso wauha, mwaso wakushangazala Njambi yetu. Vavangi vakamona eci, co vakaziva lyova, co vakakulaela kuli Shukulu Kalunga.

Myaso 43:2

Yove unapu u cimpaka cange, omwo vikajo unanjisezela? Omwo vikajo njilinakuyandela ku muuka wa vitozi vange?

Myaso 46:1

Njambi ikeye vutewelo vwetu na nzili yetu, wakala muyehi-yehi netu nakutukwasa a simbu ya tuyando.

Myaso 46:2

Ngecivene, kutwasa kuziva lyova, nameme nga kaye kajaja, na minkinda iwila mu vinzinga vya mema a kalunga,

Myaso 69:30

Njikashangazala Njambi na mwaso, njikendeka a vukama vwendi nakumukandelela.

Myaso 84:11

Omwo Shukulu Kalunga Njambi wapwa litangwa na ntelo. Ikeye akana ngozi na kasingimiko, ikeye kesi kumina cuma cimo cacivwa, kuli vaje venda mu vushunga.

Myaso 91:4

Ikeye akakufwika mu mambava endi, nakukunyunga mwamuvwa, vushunga vwendi vukakwamena nakukunyunga.

Isaya 12:2

Njambi ikeye muyoyesi wange, njikamukulaela kunjikazivi lyova. Omwo Shukulu Kalunga ikeye nzili yange, na mwaso wange. Co napu muyoyesi wange.

Isaya 45:24

Vakendeka ngeci muli yange lika mukemwo muli kuhyana na nzili, oloni voshe vaje vanjizinda vakaziva shwamwa.

Isaya 61:10

Yelusalema ijolela omwo vije vyanalingi Shukulu Kalunga. Shukulu Kalunga nafu ngwe shombolwa nazala vuzalo vwa vushombolwa. Njambi namwamena nakumuhyanesa.

Efeso 6:10

Akukotoka, koleseniko muli Mwene na mu nzili ya vukama vwendi.

Kujombolola 15:3

co vakele nakwimba mwaso wa Mosesa, ngamba ya Njambi, na mwaso wa Muna Manga ngwavo, “Njambi Muka-nzili yoshe, vilinga vyove vinapu vyakama vyakukomokesa! Mwene wa miyati ya vanu, vilinga vyove vyapwa vyavivwa na vushunga!

Kujombolola 5:9

Co vembile mwaso wauha ngwavo, “Yove wafwila kwambata eli livulu nakuvatula tusateso twalyo. Omwo vakutsiile, co a kutsa kwove wakulile vanu na maninga ove kuli Njambi, vakutunda ku miyati yoshe na ku vindaka vyoshe na ku mafuti oshe na ku vanu voshe.