Myaso 28:5 - Livulu lya Shukulu Kalunga

⁵ Omo kuvesi nakwaka mbunge ku vije vyanalingi Shukulu Kalunga, nambe ku vije vyanatangele, ngecivene, akavahisa nakuvanyongesa ku myaka yoshe.

Myaso 28:5 Iomraidhean Croise

2 Samwele 7:13

Ikeye akanjitungila njuvo, co njikakolesa litanda lya vumwene vwendi.

2 Samwele 7:27

Shukulu Kalunga Muka-nzili yoshe, Njambi ya Isalele! Njinasimpi akulombela lilombelo eli kuli yove, omwo unasholola vyoshe evi kuli yange ngamba yove, co wanjilekele ngeci ukapwisa vatekulwila vange vimyene.

1 Vimyene 11:38

Nga unjononoka mwamuvwa, nakuyoya mu mashiko ange, nakunyunga vije njikushika, ngwe mwalingile ngamba yange Ndaviti, co simbu yoshe njikakala amo nove, co njikakupwisa mwene wa mu Isalele, co mwa vushunga vatekulwila vove vakashwana munima yove, ngwe muje munjinalingi kuli Ndaviti.

Myaso 10:5

Muka-vuvi avezika mu vyuma vyoshe vije vyalinakulinga. Kasa kuzivisisa kusompa kwa Njambi, co lalo apopolola vitozi vendi.

Myaso 104:24

Yove Shukulu Kalunga unatanga vyuma vyavingi! Wavitangele vyoshe na mana ove! Kaye kanashulu na vije viwatangele.

Myaso 8:3

Omo njikenga lilu lije liwatangele, ngonde na vingongonosi, vije viwunaka mu mitambela yavyo,

Isaya 22:11

mwapangele lishali mukati ka vivumbe vya nganda ngeci munyungilemo mema. Oloni kumwombile vimbunge vyeni kuli Njambi, uje watumbile vutumbe vwoshe ovu ku san̄ulu, co kumwasingimikile uje watavele ngeci vilingiwe.

Isaya 40:26

Anduleni mesho eni kwilu! Iyajo watangele vingongonosi vije mulinakumona? Uje avitwamenena ngwe mashwalale, ikeye azivuka vungi vwavyo, co avisana vyoshe a mazina avyo! Nzili yendi yapwa yakama manene, naimo ngongonosi yai yazimbalao!

Isaya 45:12

Yange njatangele kaye, nakutanga munu ngeci ayoyeleo. Njajangumwine melu na nzili yange, yange muka-kushika litangwa, na ngonde, na vingongonosi.

Isaya 45:18

Shukulu Kalunga ikeye watangele melu, ikeye lika Njambi! Ikeye wamungile nakutanga kaye, wakolesele kaye mbe, nakukala ku myaka yoshe. Katangele kaye ngeci kapwe ngwe mambo embwe, oloni apwe akuyoyela vanu. Ikeye nendeka ngwendi, “Yange njapwa Kalunga, kukwesi njambi weka lalo.

Isaya 45:8

Njikatuma vushunga kutunda mwilu ngwe nyonzi, kaye kakalivwaesela kuvutambula, co vushunga vukamena asi. Yange Kalunga, njinatanga vyuma evi.”

Isaya 5:12

Ku viwano vyeni kwakala tulyalya, na tumbulumbumba, na vimbendo, na vinyu. Oloni kumuzivuka vije vyalinakulinga Shukulu Kalunga,

Njelemiya 31:4

Co lalo njikakala neni, co lalo mukambata tumbulumbumba tweni nakukina nakujolela manene.

Hoziya 14:9

Voshe vaje vaka-kunyanyama vazivuke vije vivanasoneka muno, nakuvinyunga mu mbunge. Vingila vya Shukulu Kalunga vyapwa vya vushunga, vaka-vushunga vayoya mu vikevyo, oloni vaka-vuvi vatanuka nakuwa omwo vavivyana.

Kulava 23:23

Mwa vushunga vene kukwesi mikalo ili na seo kuli Yakomba, nambe manseno kuwasa kupanga kuli Isalele. Ololo vanu vakendeka ali Yakomba na Isalele ngwavo, ‘Kengeni vije vyanalingi Njambi ali vakevo!’

Yowano 12:37

Nameme walingile vizivukiso vyavingi ku mesho avo, oloni kuvakulaelele kuli ikeye,

Loma 1:20

Tunde aje Njambi watangele kaye, vifwa vyendi vije kutwasa kumona, nzili yendi ya myaka yoshe na cifwa cendi ca vu Njambi, vinasholoka mwamuvwa, vanu vasa kuvizivukila mu vyuma vije vyanalingi Njambi. Ngecivene, vanu ava kuvasa kulisambesa embwe!

Loma 1:28

Omwo vanu ava vanavyana kunyunga vushunga vwakuzivisisa Njambi mu viyongola vyavo, Njambi navecelela vakale na mana amavi, ngeci valinge vyuma vije kuvapandele kulinga.