Myaso 28:1 - Livulu lya Shukulu Kalunga

¹ Njitambeka kuli yove Shukulu Kalunga cimpaka cange. Tolilila ku mutambi wange! Kesi unjolokele kuluu. Nga woloka kuluu kujeneka kunjikumbulula, co njikafwa ngwe vaje vashelumuka mu vukalo vwa vatsi.

Myaso 28:1 Iomraidhean Croise

Yombi 33:28

Ikeye wanjikulile ngeci kesi njiye ku lifuti lya vatsi, co na simbu ino njicili nakuyoya.’

Myaso 142:1

Njitambeka kuli Shukulu Kalunga ngeci anjikwase, njilambelela Shukulu Kalunga ngeci anjizivileko mema ku mbunge.

Myaso 142:2

Njinena kulinyenga kwange kwoshe kuli ikeye, nakumuleka lalo tuyando twange twoshe.

Myaso 143:7

Njikumbulule vwasi Shukulu Kalunga cinyangavili cange coshe cinahu! Kesi unjikengese nima, kutewa njitsa.

Myaso 18:2

Shukulu Kalunga ikeye muka-kunjinyunga, ikeye wapwa cimpaka cange cakukola. Njambi yange ikeye wapwa cishwamo cange, muli ikeye mukemwo munjitewela. Ikeye wapwa ntelo yange, muka-kunjamena nakunjinyunga mwamuvwa.

Myaso 22:2

Mutanya woshe njitambeka kuli yove Njambi yange, oloni kuwesi kunjikumbulula, njitambeka vutsiki vwoshe, oloni kunjesi kujuka embwe.

Myaso 3:4

Njitambeka kuli Shukulu Kalunga mukunjikwasa, co anjikumbulula kutunda ku lilundu lyendi lyakujela.

Myaso 30:4

Yeni vanu vendi vakujela, imbeni nakushangazala Shukulu Kalunga! Anukeni vije vyanalingi uje Wakujela, co kandeleleni.

Myaso 30:9

Vikajo uwanao a kutsa kwange? Seo mukajo ukawanao nga njitsa? Kuma vatsi vasa kukushangazala ndi? Kuma vasa kwambulula vya kulongwa kwove kukwesi kuhwa ndi?

Myaso 35:22

Oloni yove Shukulu Kalunga wapwa u mukaleo, co kesi woloke kuluu. Kesi ukale kulyala nange yove Shukulu Kalunga!

Myaso 39:12

Shukulu Kalunga tolilila lilombelo lyange, co tolilila ku mutambi wange, kesi woloke omo njitambeka kuli yove! Yange nji mungenzi, nji muka-kwija ngwe muvapwile vakukulwila vange voshe.

Myaso 42:9

Njikendeka kuli Njambi uje wapwa cimpaka cange ngwange, “Omwo vikajo unanjivalela? Omwo vikajo njilinakuyandela ku muuka wa vitozi vange?”

Myaso 5:2

Zivilila ku mutambi wange, mwene yange na Njambi yange. Njilomba kuli yove Shukulu Kalunga.

Myaso 69:15

Kesi utave livazi linjikupule, kesi utave njikovele mu nzinga, nambe kesi utave njikovele mu mbumbo.

Myaso 77:1

Njikatambeka manene kuli Njambi, njikatambeka manene, co akanjiziva.

Myaso 83:1

Kesi woloke kuluu embwe yove Njambi, kesi ulisingimike, nambe kesi utumbame kuluu embwe!

Visimo 1:12

Tuvaleuleni voshe oku vayoya, ngwe vaje vashelumuka ku vukalo vwa vatsi, tuvatsindeni voshe ngwe vaje vavatsinda mu mbulu!

Isaya 26:4

Kulaela kuli Shukulu Kalunga myaka yoshe, akatunyunga simbu yoshe.

Isaya 38:18

Naumo wai ali mu vukalo vwa vatsi asa kukushangazala. Vatsi kuvasa kukulaela kulongwa kwove.

Kujombolola 20:3

Co kangelo wamumbilile mu mbulu ije kuyesi naa masima, co washokele ije mbulu nakuyipata nakwakao kasateso, ngeci kesi lalo akakwisa vanu kuvanga noo myaka 1,000 ineti. Munima yevi, co vakamuzitula kasimbu kakandondo lika.