Myaso 27:9 - Livulu lya Shukulu Kalunga

⁹ kesi unjikengese nima!” Kesi uluvale nange, kesi ushekele ngamba yove kulyala. Yove mukwasi wange, kesi unjiseze, nambe kunjikengesa nima, Njambi yange, muyoyesi wange!

Myaso 27:9 Iomraidhean Croise

1 Mizimbu 28:9

Co kuli Solomoni wendekele ngwendi, “Munange, njikushika ngwange kavangeya Njambi ya isho, nakumupangela na mbunge yoshe, co likundike na cizango ca mana ove. Ikeye azivuka viyongola vyetu vyoshe na mashungu avyo. Nga umushakezeka, co ukamuwana, oloni nga umuseza, co akakujenjuka ku myaka yoshe.

Myaso 102:2

Kesi unjikengese nima a litangwa lya n̄avava yange, a litangwa lije njitambeka unapande kunjitolilila, nakunjikumbulula vwasi.

Myaso 102:3

Omwo matangwa ange alinakuhwa ngwe vwisi, co vitsiya vyange vilinakwenya ngwe cimbundi ca tuhya.

Myaso 119:121

Njinalingi vyuma vya vushunga na vyuma vyavivwa, kesi unjecelele ku vitozi vange!

Myaso 13:1

Shukulu Kalunga visimbu vingai ukanjivala? Ku myaka yoshe ndi? Visimbu vingai ukanjikengesa nima?

Myaso 143:7

Njikumbulule vwasi Shukulu Kalunga cinyangavili cange coshe cinahu! Kesi unjikengese nima, kutewa njitsa.

Myaso 24:5

Shukulu Kalunga akavavezikisa nakuvamena, Njambi akavapwisa vaka-kujeneka mulonga.

Myaso 44:24

Vikajo unatukengesela nima? Kesi wivale tuyando na mapakeso etu!

Myaso 51:11

Kesi unjitundise ku mesho ove, co lalo kesi unjitundise munzinzime wove wakujela.

Myaso 69:17

Kesi unjikengese nima, yange nji ngamba yove, njili mu kayando, njikumbulule vwasi.

Myaso 69:18

Shwenya kuyehi nange nakunjamena ku vitozi vange.

Myaso 88:1

Yove Shukulu Kalunga Njambi muyoyesi wange, njitambeka kuli yove mutanya na vutsiki.

Isaya 50:1

Shukulu Kalunga alinakwendeka ngwendi, “Kuma mwayongola ngweni njashekele vanyoko, nambe kuvalandesa mukufweta mulonga? Ilikulijo mikanda yakumukondwesa? Kuma mwayongola ngweni njamilandesele ngeci vakamifuke ngwe munalume uje alandesa vana vendi kuvapwisa vindungo ndi? Embwe, mwaile nakumifuka omwo a vuvi vweni, vamitumine kulyala omwo a milonga yeni.

Isaya 59:2

Oloni vuvi vweni vukevwo vunamyangununa na Njambi yeni. Njambi kesi kuziva malombelo eni omwo vuvi vweni.

Njelemiya 32:40

Njikalikumiiya cikumiiyo navo ca ku myaka yoshe. Nalumo lwai njikalikela kulinga vyuma vyavivwa kuli vakevo, vakanjisingimika, ngecivene, nalumo lwai vakashondoloka kuli yange.

VaHevelu 13:5

Kesi mukakateye mu cizemo ca vimbongo, pweni vaka-kujauka na vyuma vije mulinavyo. Omwo Njambi nendeka ngwendi, “Kunjikamiseze nalumo lwai nambe kumivyana.”

1 Samwele 7:12

Asinoni Samwele wanonele limanya, walitumbikile mukati ka Mizipa na Shene, co wendekele ngwendi, “Shukulu Kalunga natukwasa yetu voshe mu ngila yetu.” Co walukile lije limanya ngwendi, “Limanya Lyakukwasa.”