Myaso 27:5 - Livulu lya Shukulu Kalunga

⁵ A simbu ya tuyando akanjishweka mu cimpaka cendi, co akanjinyunga mwamuvwa mu Njuvo yendi, co akanjitumbika a limanya lyalilaja.

Myaso 27:5 Iomraidhean Croise

2 Mizimbu 22:12

Co a myaka itanu na umo wakele mu Njuvo ya Shukulu Kalunga muvamushwekele, omo Ataliya wapwile vamwene.

Myaso 10:1

Omwo vikajo uli kulyala nange yove Shukulu Kalunga? Omwo vikajo kuusholokela a simbu ya tuyando?

Myaso 119:114

Yove wapwa u ntelo yange na cimpaka cange, cinyangavili cange cakala mu lijwi lyove.

Myaso 138:7

Omo tuyando tunjizengeleka, yove unjinyunga mwamuvwa, co lalo uyeluwisa vukalu vwa vitozi vange, nakunjamena na nzili yove.

Myaso 17:8

Njinyunge ngwe muukanyungu mun̄andi wa lisho, co njinyunge ngwe mwakanyungu kazila vana vendi mu mambava endi

Myaso 18:33

Ikeye ashatukisa mendi ange lumbisi ngwe shonge, anjinyunga mwamuvwa a minkinda.

Myaso 31:20

Uvashweka nakuvanyunga mwamuvwa kuli yove, nakuvatundisa ku matumbe a vanu, co uvashweka mu cimpaka cacivwa, nakuvatundisa ku kashaundu ka vitozi vavo.

Myaso 31:21

Shangazaleni Shukulu Kalunga! Omo wanjimwesele cizemo cendi cakukomokesa cije kucesi kutenguluka omo vanjizengelekele nakunjilwisa!

Myaso 40:2

Ikeye wanjitundisile mu mbulu ya vushonde, mu lindova lya vutome! Wemikile mendi ange a limanya, nakunjinyunga mwamuvwa.

Myaso 40:3

Wanjilongesele kwimba mwaso wauha, mwaso wakushangazala Njambi yetu. Vavangi vakamona eci, co vakaziva lyova, co vakakulaela kuli Shukulu Kalunga.

Myaso 46:1

Njambi ikeye vutewelo vwetu na nzili yetu, wakala muyehi-yehi netu nakutukwasa a simbu ya tuyando.

Myaso 50:15

Tambekeni kuli yange a litangwa lya tuyando, co njikamyamena, co mukanjishangazala.”

Myaso 57:1

Njizivileko mema ku mbunge yove Njambi, omwo njiija kuli yove ngeci unjinyunge, ngwe mwakanyungu kazila vana vendi mu mambava, njitewela kuli yove, noo lihunzi lya mankimba akama linahu.

Myaso 61:2

Kunjesi na cinyangavili, njitambeka kuli yove, oku njili ku lifuti lya kulyala. Unjitwale ku cimpaka cacivwa,

Myaso 61:3

omwo yove wapwa vutewelo vwange, u cimpaka cange cakukola muje njasa kuvanda kuli vitozi vange.

Myaso 77:2

A simbu ya n̄avava njilomba kuli Shukulu Kalunga, vutsiki njijundula mavoko ange nakulombela, oloni kunjalizembelekele.

Myaso 83:3

Valinakutumba matumbe a mu vushweke akulwisa vanu vove, valinakulinga munga yakulwisa vaje vaunanyungu.

Myaso 91:1

Woshe uje yanamena Shukulu Kalunga, woshe uje yanyunga Muka-nzili yoshe,

Myaso 91:15

Omo vatambeka kuli yange, co njivakumbulula omo vali mu tuyando, co njikakala amo navo. Njikavamena nakuvasingimika.

Visimo 18:10

Shukulu Kalunga wapwa cimpaka ca nzili, muka-vushunga atewelako, co akovoka.

Isaya 26:16

Shukulu Kalunga, omo wahisile vanu vove, mu tuyando twavo valombelele kuli yove.

Isaya 26:20

Vanu vange, koveleni mu vinjuvo vyeni, co lishokeyeyenimo. Vandeni kasimbu kakandondo lika, noo vukalu vwa Njambi vunahu.

Isaya 32:2

Umo na umo wavo akapwa ngwe mwela mwakuvanda lihunzi, na cimpaka mwakuvanda lihunzi lyakama. Vakapwa ngwe vana va vindonga vya mema mu mambo, ngwe limanya lyakama lije lyana munzinze omo kuli ntwima.

Mateo 23:37

“Yelusalema, Yelusalema! Yove ukatsii vaka-kwimanena nakwasha mamanya miluwa va Njambi vaje vatumine kuli yove! Visimbu vyavingi njashakele kukungulula vanu vove nakuvavumbatela mu mavoko ange, ngwe kasumbi avutikiya vana vendi mu mambava, oloni yove kuwanjitavele!

Kolose 3:3

Omwo yeni mwatsile, co myonyo yeni vanaishweke amo na Kilistu muli Njambi.