Myaso 25:2 - Livulu lya Shukulu Kalunga

² Muli yove Njambi yange njinakulaela. Shwamwa kesi injikole, vitozi vange kesi vanjifungulule!

Myaso 25:2 Iomraidhean Croise

2 Mizimbu 13:18

Ngecivene, vaYunda vahyanene vaIsalele, omwo vakulaelele kuli Shukulu Kalunga Njambi ya vakukulwila vavo.

Myaso 13:5

Oloni njinakulaela cizemo cove cije kucesi kutenguluka, mbunge yange ikajolela omwo unanjovola.

Myaso 142:6

Tolilila ku lilombelo lyange ngeci unjikwase omwo yange njinazeye. Njamene ku vitozi vange, omwo vali na nzili ali yange.

Myaso 18:2

Shukulu Kalunga ikeye muka-kunjinyunga, ikeye wapwa cimpaka cange cakukola. Njambi yange ikeye wapwa cishwamo cange, muli ikeye mukemwo munjitewela. Ikeye wapwa ntelo yange, muka-kunjamena nakunjinyunga mwamuvwa.

Myaso 22:1

Njambi yange, Njambi yange, vikajo unanjisezela? Vikajo unemanena kulyala kujeneka kunjikwasa, omwo njilinakukemanga?

Myaso 22:5

Vatambekele kuli yove, co vovokele, vakukulaelele, co shwamwa kuyavakolele.

Myaso 22:8

Co vendeka ngwavo, “Yove wakulaelele kuli Shukulu Kalunga, omwo vikajo lalo kakwamena? Nga Shukulu Kalunga wakushaka, vikajo kakukwasela?”

Myaso 31:1

Muli yove Shukulu Kalunga mukemwo munjiwana kuvanda, shwamwa kesi injikole, yove unapu Njambi wa vushunga, njilinakulomba ngeci unjamene!

Myaso 31:15

Mwonyo wange woshe uli mu mavoko ove, njamene ku vitozi vange, na kuli voshe vaje vanjiyandesa.

Myaso 31:2

Tolilila ku kulomba kwange, co njikumbulule vwasi! Pwa limanya lyange lya vutewelo, cimpaka cange cakunjamena.

Myaso 34:8

Kengeni mumone ngeci Shukulu Kalunga wapwa wamuvwa! Navezika munu uje atewela muli ikeye.

Myaso 37:40

Shukulu Kalunga avakwasa nakuvamena, ikeye avamena ku vaka-vuvi, omwo vatewela kuli ikeye ngeci avanyunge.

Myaso 41:11

Omwo a cuma eci njizivuka ngeci yove uvwaelela nange, omwo vitozi vange kuvanjifungulula.

Myaso 56:1

Njizivileko mema ku mbunge yove Njambi, omwo vanu valinakunjilwisa, simbu yoshe vitozi vange valinakunjiyandesa.

Myaso 7:1

Yove Shukulu Kalunga Njambi yange, muli yove mukemwo njiwana kuvanda, njamene nakunjipatula kuli voshe vaje valinakunjisheka,

Myaso 71:1

Shukulu Kalunga njitewela muli yove, kesi vanjizivise shwamwa ku myaka yoshe!

Myaso 91:2

akendeka kuli ikeye ngwendi, “Yove wapwa vutewelo vwange na cimpaka cange! Yove wapwa u Njambi yange, kuli yove njinakulaela.”

Myaso 94:3

Vaka-vuvi vakavwaelela visimbu vingaijo yove Shukulu Kalunga?

Isaya 26:3

Shukulu Kalunga akana kwoloka, kuli vaje vakolesa kukulaela kwavo mbe, vaje vakulaela kuli yove.

Isaya 28:16

Ngecivene, Shukulu Kalunga wa Akamwa ya Vyoshe nendeka ngwendi, “Kengeni, njikajala luvula lwakukola mu Siyone. Lukelwo vene limanya lya mu mbango lije vaneseka kupwa lya vushunga, naumo wai uje akulaela mulikelyo ivakazivisa shwamwa.

Isaya 37:10

wa mu Yunda wamulekele ngwendi, “Uje njambi iwakulaela nakuleka ngwendi kunjasa kukufungulula, oloni kesi ukulaele vyuma evi embwe.

Isaya 37:20

Ololo, Shukulu Kalunga Njambi yetu, twamene ku mavoko a vaAsilya, ngeci miyati yoshe ya mu kaye vakazivuke ngeci yove lika Shukulu Kalunga wapwa Njambi.”

Isaya 37:35

Njikamena nganda eyi nakuyinyunga, omwo a lizina lyange, na omwo a cikulaeso njalingile kuli ngamba yange Ndaviti.’ ”

Isaya 41:16

Mukavombila mu mukambwila, co lihunzi lyakama likavashandola nakuvapekumwina kulyala. Asinoni mukavwaelela, nakunjishangazala, omwo yange njapwa nji Njambi yeni, Njambi wakujela wa Isalele.

Isaya 49:23

Vimyene vakapwa ngwe vaisho, na vamwene vakapwa ngwe vanyoko. Vakakutsikamena nakukusingimika, vakalikeesa mukumwesa kasingimiko kavo kuli yove. Asinoni ukazivuka ngwove kuma yange njapwa Kalunga, vaje vanjikulaela, kuvakazivi shwamwa.”

Njelemiya 17:18

Vayesa vaje vanjiyandesa, oloni kesi unjizivise shwamwa, vajujwise, oloni Shukulu Kalunga, yange kesi unjijujwise. Nena tuyando ali vakevo nakuvanyongesa.

Loma 10:11

Visoneka vyendeka ngwavyo, “Woshe uje akulaela kuli ikeye kakazivi shwamwa.”

Loma 5:5

Co cinyangavili eci kucasa kutuzivisa shwamwa, omwo Njambi netila cizemo cendi mu vimbunge vyetu ali Munzinzime Wakujela, ikeye napu vwana vwa Njambi kuli yetu.

1 Petulu 2:6

Omwo visoneka vyendeka ngwavyo, “Njinaangula limanya lya seo yakama, limanya lya mu mbango mu Siyone, co woshe uje akulaela kuli ikeye kakazivi shwamwa.”