Myaso 23:6 - Livulu lya Shukulu Kalunga

⁶ Mwa vushunga vuvwa na cizemo vikanjikava matangwa oshe akuyoya kwange, co njikakala mu Njuvo ya Shukulu Kalunga myaka yoshe yakuyoya kwange.

Myaso 23:6 Iomraidhean Croise

Myaso 103:17

Oloni cizemo ca Shukulu Kalunga kucesi kutenguluka kuli vaje vamukomoka, cikakalako myaka yoshe, na vuvwa vwendi lalo vukakala ku cisemwa coshe,

Myaso 16:11

Unanjimwesa ngila itwala ku mwonyo, co njivwaelela kukala kuyehi nove, simbu yoshe njivwaelela akunyunga kwove.

Myaso 17:15

Oloni yange njikamona cihanga cove mu vushunga, co omo njikakasumuka mu tulo, njikajolela akumona cifwa cove.

Myaso 21:4

Ikeye wakulombele mwonyo, co wamwanenewo, mwonyo wa myaka yoshe.

Myaso 27:4

Njehwile Shukulu Kalunga cuma cimolika, cuma cimolika cinjishaka, kukala mu Njuvo ya Shukulu Kalunga simbu yoshe ya mwonyo wange, ngeci njimone vuvwa vwendi, nakumulomba ngeci anjitwamenene.

2 Kolinte 1:10

Watutundisile mu vushonde vwakama vwa kutsa, co ikeye watwovwele, akatwovola lalo, tunakulaeleni kuli ikeye ngeci akatwovola lalo,

2 Kolinte 5:1

Omwo tunazivuka ngwetu omo mbalaka yetu ya muvila wa ano asi omu tulinakuyoyela nga inasiwuka, Njambi akatwana njuvo mwilu mutukayoyela, njuvo ije yanatungu ikeye vavenya ije ikakala myaka yoshe.

Filipu 1:23

Vananjikokela mu mitambela yoshe eyi ivali. Njishaka manene kuseza mwonyo ou njikakale amo na Kilistu, eci cikeco cinahyana manene,

2 Timateo 4:18

Mwene akanjamene ku vipangi vyoshe vyavivi, co akanjambata mu kwoloka kunjitwala ku Vumwene vwendi vwa Mwilu. Kuli ikeye kukale vumpau ku myaka na myaka! Ewa.