Myaso 23:5 - Livulu lya Shukulu Kalunga

⁵ Unanjivwaesela mesa ku mesho a vitozi vange, unanjana vivezikiso ngwe munu uje ivanavwavesa.

Myaso 23:5 Iomraidhean Croise

Yombi 36:16

“Njambi wakutundisile mu tuyando, nakutava ngeci ukale mwamuvwa, co mesa yove yashulile na mutumbo wakama wa vyakulya.

Myaso 104:15

nakulima lalo vinyu ngeci vivwaelelese mbunge ya munu, na mazi a olive akulikwita ku mesho endi, na likende ngeci limwane nzili.

Myaso 116:13

Njikanenela Shukulu Kalunga n̄ombelo ya vinyu, mukukandelela omwo nanjamena.

Myaso 16:5

Yove Shukulu Kalunga, yove lika wapwa wange, unjana vyoshe vinjajena, kuyoya kwange kwoshe kuli mu mavoko ove.

Myaso 22:26

Tuutu vakalya nakukuta, voshe vaje vaija kuli Shukulu Kalunga vakamushangazala, vapwe vakuvezika ku myaka yoshe.

Myaso 22:29

Vaka-kulyalesa voshe vakalya nakumulemesa, na voshe vaje vashelumukila mu vukalo vwa vatsi vakamulemesa, co na woshe uje kasa kwamena mwonyo wendi ku kutsa akamulemesa.

Myaso 45:7

Uzema vushunga nakuzinda vuvi, mukemwo Njambi, Njambi yove, nakuvezikisa vivezikiso vyakama kutuvakana vimyene veka.

Myaso 78:19

Vayeluwisile Njambi nakwendeka ngwavo, “Kuma Njambi asa kutuwanena vyakulya mu mambo ndi?

Myaso 92:10

Unanjipwisa muka-nzili ngwe mpakasha, unanjivwavesa na mazi amavwa.

Myaso 92:11

Njinamono kufunguluka kwa vitozi vange, co njinazivi mitambi ya vaka-vuvi.

Isaya 25:6

Aa vene a Munkinda wa Siyone, Shukulu Kalunga Muka-nzili yoshe akavwaeselao miyati yoshe ya mu kaye ciwano ca vyakulya vyavivwa na vinyu vyavivwa.

Amose 6:6

Mukanwila vinyu mu vinganja vyakama, co mukavwava mazi akunika lwengo, oloni kumwesi kulinyenga akunyonga kwa Isalele.

Mateo 6:17

Oloni omo mulikela-kela kulya, jweleni ku mesho nakusakula vin̄ambu vyeni,

Luka 7:46

Yove kuwavwaesele mazi akuvwavesa mutwe wange, oloni ou munakazi navwavesa myanja yange na mazi a seo yakama.

Yowano 16:22

Ngecivene, omu mukemwo mucinapu neni, ololo muli na vusiwa, oloni njikamimona lalo, co vimbunge vyeni vikashula nakujolela, kujolela kuje naumo wai akacitundisa muli yeni.

1 Kolinte 10:16

Nganja ije tukapangesa ku Mesa ya Mwene, ije itukakandelela kuli Njambi, omo tuyinwa tulinakulipangela maninga a Kilistu. Na likende lije tukapazula, omo tulilya, tulinakulipangela muvila wa Kilistu.

2 Kolinte 1:21

Oloni napu Njambi vavenya uje atutakamesa amo neni, ngeci myonyo yetu muli Kilistu, ikeye vavenya Njambi uje natwangula,

Efeso 3:20

Kuli ikeye a nzili ije ilinakupanga muli yetu asa kupanga manene kutuvakana vije twasa kumulomba, nambe kutuvakana vije vitwasa kuyongola,

1 Yowano 2:20

Oloni Kilistu netila laja Munzinzime Wakujela ali yeni, ngecivene, yeni voshe munazivuka vushunga.

1 Yowano 2:27

Oloni ngeci mweni, Kilistu netila Munzinzime wendi ali yeni. Ngwe omo Munzinzime wendi ali muli yeni, kumushaka munu kumilongesa. Omwo Munzinzime wendi alinakumilongesa vyuma vyoshe, co vije alinakulongesa vinapu vya vushunga, kesi vya makuli embwe. Ngecivene, ononokeni vilongesa vya Munzinzime, co kaleni muli Kilistu.