Myaso 22:31 - Livulu lya Shukulu Kalunga

³¹ Vanu vaje kanda vasemuke vakavaleka ngwavo, “Shukulu Kalunga wamenene vanu vendi!”

Myaso 22:31 Iomraidhean Croise

Myaso 102:18

Sonekela vyuma evi ku cisemwa cije cikaija kulutwe, ngeci vanu vaje kanda vasemuke, navo lalo vakashangazale Shukulu Kalunga, soneka ngwove,

Myaso 40:9

Mu cikungulukilo cakama ca vanu vove voshe yove Shukulu Kalunga, njambulwile vin̄anda vyavivwa vyakutwamena. Yove uzivuka ngeci kunjikalikela kuvyambulula.

Myaso 78:6

ngeci cisemwa cikaija kulutwe vakalilongesevyo, co vakavileka ku vana vavo.

Myaso 86:9

Miyati yoshe iwatangele vakaija nakutsikama kuli yove, co vakashangazala vukama vwove.

Isaya 53:10

Shukulu Kalunga alinakwendeka ngwendi, “Eci capwile cizango cange ngeci ayande, kutsa kwendi kwapwile n̄ombelo yakunena kusambesa. Ngamba yange akayoya simbu yoshe nakumona vatekulwila vendi, co muli ikeye vutumbe vwange vukaya kulutwe.

Isaya 54:1

Yelusalema, unafu ngwe munakazi wa vana, oloni ololo wasa kwimba nakutambeka nakujolela. Ololo ukakala na vana vavangi kutuvakana munakazi uje nashomboka simbu yakama.

Isaya 60:4

Kenga mesho ove noku-noku, umone vije vilinakulingiwa, vanu vove valinakukunguluka vaije kwimbo! Vana vove va vanalume vakatunda kulyala, vana vove va vanakazi vakavambata ngwe vana vavandondo.

Loma 1:17

Omwo muzimbu wauvwa usholola vati Njambi nalingisa vanu ngeci vapwe vaka-vushunga ku mesho endi, cinapu mukukulaela kutunda ku shongo nakweta ku mamaneselelo. Ngwe muvyendeka visoneka ngwavyo, “Munu uje ivanapwisa muka-vushunga ku mesho a Njambi akukulaela akayoya.”

2 Kolinte 5:21

Kilistu kalingile vuvi, oloni Njambi wamupwisile vuvi omwo yetu, co akukala muli ikeye, vanatupwisa vaka-vushunga vwa Njambi.