Myaso 22:28 - Livulu lya Shukulu Kalunga

²⁸ Omwo vumwene vwapwa vwa Shukulu Kalunga, ikeye akashwana miyati yoshe.

Myaso 22:28 Iomraidhean Croise

Myaso 86:9

Miyati yoshe iwatangele vakaija nakutsikama kuli yove, co vakashangazala vukama vwove.

Isaya 2:2

Ku matangwa a kulutwe a munkinda aje ali Njuvo ya Shukulu Kalunga, ukapwa waulaja manene kutuvakana minkinda yoshe, ukapwa kaposhi ka malundu oshe. Co miyati yoshe ya vanu vakakungulukilako.

Isaya 45:22

“Yeni voshe muli kwoshe kuje kwasikisila kaye, tengulukileni kuli yange ngeci mwovoke. Yange lika Njambi njiliko.

Isaya 66:23

A ngonde yoshe yakulivanga na a Ciwano ca Kutenama kwa Ngonde na a Litangwa Lyakuhwima, vanu va miyati yoshe vakaija nakunjilemesa muno mu Yelusalema.” Mukemwo mwanendeka Shukulu Kalunga.

Ndanyele 7:14

Co vamwanene moko na kasingimiko na nzili ya vumwene, ngecivene, vanu va ku mafuti oshe na miyati yoshe ya vanu na vanu vaka-kwendeka mu vindaka vyeka vamupangele. Moko yendi ikakala ku myaka yoshe, co vumwene vwendi kuvukahu embwe.

Ovandiya 1:21

Vanalume vaka-kuhyana va mu Yelusalema, vakashwana Endome. Shukulu Kalunga vavenya akapwa Mwene.”

Zefaniya 2:11

Shukulu Kalunga akavajujwisa. Akatengulula vinjambi va ano asi nakuvapwisa vangoco, asinoni muyati na muyati wa vanu mu lifuti lyawo vakalemesa Shukulu Kalunga.

Zakaliya 14:9

Asinoni Shukulu Kalunga akapwa mwene wa ano asi oshe, co munu woshe akalemesa kupwa Njambi nakumuzivuka a lizina lyendi.

Mateo 6:13

Kesi ututwamenene ku vyeseko, oloni twamene ku vuvi! Omwo vumwene vunapu vwove, na nzili na vumpau, ku myaka yoshe. Ewa.’

Kujombolola 11:15

Asinoni kangelo wamucitanu na vavali wembile lupembo lwendi, co kwakele majwi akama mwilu endekele ngwawo, “Nzili yakushwana kaye ololo inakundama kuli Mwene yetu na Wakuvwavesa wendi, co akashwana myaka yoshe!”