Myaso 22:14 - Livulu lya Shukulu Kalunga

¹⁴ Nzili yange inahu, ngwe mema akwitikila asi. Mu vitsiya vyange mwoshe munatsi njenje, co mbunge yange inasangunuka ngwe sela.

Myaso 22:14 Iomraidhean Croise

Yombi 16:10

Vanu vananjishendumuna, vananjipupu ku nana, nakunjikungulukila.

Yombi 23:16

Njambi nazeyesa mbunge yange, co Muka-nzili yoshe nanjizivisa lyova,

Yombi 30:16

“Ololo njili muyehi na kutsa, matangwa a n̄avava ananjiwana.

Myaso 22:17

Vitsiya vyange vyoshe vinasholoka anja kwau. Co vitozi vange vanakenge ali yange shwii,

Myaso 31:10

Mwonyo wange unazeye omwo vusiwa, na myaka yange inapu ya tuyando, nzili yange inahu omwo vuvi vwange, co vitsiya vyange vinazeye.

Myaso 35:21

Vitozi vange vananjivangeya, nakunjiyeluwisa ngwavo, “Twamwene vije viwalingile!”

Myaso 68:2

Akavatundisa ku mesho endi, ngwe muvukapekumuka vwisi, Njambi akanyongesa vaka-vuvi, ngwe muyikanyongolokota sela mu tuhya.

Mbimbi 3:46

“Vitozi vetu voshe valinakututuka nakutushendumuna.

Ndanyele 5:6

co cihanga cendi cafufutukile, wazivile lyova manene, co mavuli endi ajajele.

Nahumi 2:10

Nenevayi vanainyongesa, inapu ngundu, ili mupulungwa! Vimbunge vinazeye na lyova, mavuli alinakujaja, nzili inahu, na vihanga vinafufutuka.

Mateo 26:38

Co ikeye wendekele navo ngwendi, “Mbunge yange inazeye na vusiwa vwakama manene vwakunjitwala ku kutsa vene. Njivandameneni kuno nakukengelela amo nange.”

Luka 22:44

Co omwo a tuyando twakama walombelele manene, co litukuta lyendi lyafwile ngwe maninga andwekelele asi.

Yowano 12:27

“Ololo mbunge yange ilinakuyanda, co njendeka vika? Njendeke ngwange, ‘Tate, njamene ku simbu eyi ndi’? Oloni evi vikevyo vinjezilile, ngeci njiite mu simbu eyi ya tuyando.

Yoshwa 7:5

Co vaje mashwalale va ku Ayi vavashekele kuvatundisa ku cikolo ca nganda ya Ayi nakuvetesa ku vitapu vya mamanya, co akati kavo vatsiileo makumi atatu na vanu vatanu naumo mu ngila ya kushelumuka ku malundu. Co vaIsalele vazivile manene lyova nakujujuka.