Myaso 22:11 - Livulu lya Shukulu Kalunga

¹¹ Kesi ukale kulyala nange! Omwo tuyando tuli muyehi, omwo kukwesi umo wakunjikwasa.

Myaso 22:11 Iomraidhean Croise

2 Vimyene 14:26

Shukulu Kalunga wamwene tuyando twakukomokesa twa vaIsalele, co kukwakele lalo weka wakuvakwasa.

Myaso 10:1

Omwo vikajo uli kulyala nange yove Shukulu Kalunga? Omwo vikajo kuusholokela a simbu ya tuyando?

Myaso 35:22

Oloni yove Shukulu Kalunga wapwa u mukaleo, co kesi woloke kuluu. Kesi ukale kulyala nange yove Shukulu Kalunga!

Myaso 38:21

Kesi unjiseze yove Shukulu Kalunga, yove Njambi yange kesi ukale kulyala nange!

Myaso 69:18

Shwenya kuyehi nange nakunjamena ku vitozi vange.

Myaso 71:12

Yove Njambi kesi ukale kulyala nange, Njambi yange, zambula unjikwase!

Myaso 71:6

Mukuyoya kwange kwoshe njayoyela muli yove, unanjinyungu tunde akusemuka kwange, simbu yoshe njikakushangazala!

Myaso 72:12

Apatula tuutu vaje vatambeka kuli ikeye, vaje voshe vanajeneka na vaje vavanayengula ikeye avapatula.

Isaya 63:5

Naumo wai wanjikwasele. Livoko lyange lya nzili lyahyanene nzita, omwo vukalu vwange vwalitakamesele.

Mateo 26:56

Oloni vyoshe evi vyalingiwa ngeci vije vivendekele vaka-kwimanena mu visoneka vilingiwe.” Aje vene vandongisi vendi voshe vamusezele, co vatewele.

Mateo 26:72

Co lalo Petulu wavyanene nakukumbulula ngwendi, “Njilisinga ngwange kunjimuzivuka ou munalume!”

Mateo 26:74

Asinoni Petulu wendekele ngwendi, “Njilisinga ngwange njilinakumileka vushunga! Njambi anjihise nga kesi ngoco! Yange kunjimuzivuka ou munalume!” Aje vene ndemba watambekele,

Yowano 16:32

Simbu ilinakwija, co inete laja, omo yeni voshe mukashandoka, munu na munu akaya kwimbo lyendi, co njikasala ange lika. Oloni kunjikasala ange lika embwe, omwo Tate ali amo nange.

Kwituluka mu Mashiko 32:36

Shukulu Kalunga akapatula vanu vendi, omo akamona ngeci nzili yavo inahu. Ikeye akakala na mema ku mbunge ali vaje vamupangela, omo akavamona ngeci vanazeye.

VaHevelu 5:7

Yesu Mukuyoya kwendi ano asi walombele nakwihula na kutambeka na lijwi lyakama na misozi kuli Njambi, uje wasele kumwamena ku kutsa. Omwo ikeye wapwile muka-kulikeesa na muka-kulyana, Njambi wamuzivile.