Myaso 19:9 - Livulu lya Shukulu Kalunga

⁹ Kukomoka Shukulu Kalunga kunapu kwakuvwa ku myaka yoshe, mashiko a Shukulu Kalunga simbu yoshe apwa a vushunga.

Myaso 19:9 Iomraidhean Croise

Kushangumuka 22:12

Co kangelo ka Shukulu Kalunga wendekele ngwendi, “Kesi uvulumune mwanike nameme kulinga cuma cimo kuli ikeye. Ololo njinazivuka ngeci yove ulinakukomoka Njambi, omwo yove unatavele kunjana munove umolika.”

Kushangumuka 42:18

Co a litangwa lyamucitatu Yosefa wendekele kuli vandolome vendi ngwendi, “Yange nji munu wakuzivila Njambi lyova, njikamena myonyo yeni a cuma cimo.

1 Vimyene 18:12

Cikapwa vati nga Munzinzime wa Shukulu Kalunga akutwala ku mutambela weka uje kuuzivuka omo njikuseza ano vene? Co omo njikaleka Ahave ngwange uli kuno, co nga kakuwanako, co akanjitsiya. Anuka ngeci yange njinapu muka-kulemesa Shukulu Kalunga na mbunge yange yoshe tunde ku vwanike vwange.

Nehemiya 5:15

Co nguvulu woshe uje wakeleko simbu kanda yange njikaleko, walemuwisile vanu vitele vyakufweta vimbongo makumi awana vya mavundungulu a siliva a litangwa na litangwa vya vyakulya na vya vinyu. Nameme vangamba vavo vakele nakuyandesa vanu. Oloni yange njalingile mweka, omwo njasingimikile Njambi.

Myaso 10:5

Muka-vuvi avezika mu vyuma vyoshe vije vyalinakulinga. Kasa kuzivisisa kusompa kwa Njambi, co lalo apopolola vitozi vendi.

Myaso 111:10

Kukomoka Shukulu Kalunga kunapu vushangumukilo vwa mana, voshe vaje vanyunga mashiko endi vali na mana. Vashangazale Shukulu Kalunga ku myaka yoshe!

Myaso 115:13

Shukulu Kalunga akavezikisa voshe vaje vamulemesa, vakama nambe vavandondo.

Myaso 119:1

Vanavezika vanu vaje vayoya mu vushunga, vanu vaje vononoka lishiko lya Shukulu Kalunga.

Myaso 119:106

Njinalisingi cisingo nakucikolesa, ngeci njikakavangeya mashiko ove a vushunga.

Myaso 119:111

Mashiko ove apwa vushwana vwange ku myaka yoshe, akewo anapu kuvwaelela kwa mbunge yange.

Myaso 119:142

Kushungama kwove kwapwa kwa myaka yoshe, na mashiko ove simbu yoshe apwa a vushunga.

Myaso 119:39

Tundisa kayengu aka kanjizivisa lyova, omwo mashiko ove apwa amavwa.

Myaso 119:62

Akati ka vutsiki njiinduka nakukushangazala, omwo mashiko ove apwa a vushunga.

Myaso 119:7

Njikakushangazala na mbunge ya kulongwa, omo njililongesa mashiko ove akushungama.

Myaso 119:75

Njazivuka ngeci mashiko ove apwa a vushunga yove Shukulu Kalunga, yove wapwa wa kulongwa ngeci wanjihisile.

Myaso 12:7

Simbu yoshe tunyunge yove Shukulu Kalunga, co tuvingilikiye ku vanu va cifwa cangacije.

Myaso 147:19

Atuma majwi endi kuli vanu vendi, atuma vilongesa vyendi na mashiko endi ku Isalele.

Myaso 36:1

Vuvi vukalingisa vaka-vuvi ngeci vakavangeye viyongola vyavivi vili mu vimbunge vyavo, vakavyana Njambi, co kuvesi kumukomoka.

Myaso 36:6

Vushunga vwove vunapu ngwe minkinda yakama, kusompa kwove kwalova manene ngwe mema a kalunga. Yove Shukulu Kalunga wanyunga vanu na tusitu.

Kutuuka 21:1

Shukulu Kalunga waanene Mosesa mashiko a vanu vendi ngwendi,

Visimo 8:13

Kusingimika Shukulu Kalunga kukekwo kuzinda vuvi, yange njazinda kulyalesa nakulyaka ku vukama, njazinda lalo vingila vya vuvi na majwi a makuli.

Isaya 26:8

Tulinakukavangeya cizango cove nakwaka cinyangavili cetu muli yove, yove lika itushungwiya.

Isaya 45:19

Kunjendekele mu vushweke embwe, nambe kushweka vutumbe vwange. Kunjashakele vanu va Isalele ngeci vanjishakezeke mu vingundu vyangoco embwe. Yange njapwa Kalunga, muka-kwendeka vushunga, njizivuka vyuma vije vinapu vya vushunga.”

Vilinga vya Miluwa 10:22

Co vakumbulwile ngwavo, “Ntwama wa mashwalale Konelyase ikeye natutumu kuno. Ikeye munalume wamuvwa muka-kulemesa Njambi, co lalo vaYunda voshe vamusingimika. Kangelo ka Njambi wamulekele kukulanya uye ku njuvo yendi ngeci akazive vije viwukendeka.”

Loma 11:22

Ano tumona cizemo ca Njambi nakukaluwa kwendi. Ikeye napu muka-kukaluwa kuli vaje vanau, oloni napu muka-cizemo kuli yeni, nga mutwalao mu cizemo cendi. Oloni nga kumulingimo, co neni lalo vakamijokolako.

Loma 2:2

Twazivuka ngeci Njambi wapwa wa vushunga omo ahisa vanu vaje vakalingi vyuma ngwe evi.

Kwituluka mu Mashiko 4:8

Kukwesi muyati weka wakama lalo nambe wakufwa vati, uje uli na mashiko akushungama ngwe awa njamilongesa ku litangwa lya lelo.

Kujombolola 15:3

co vakele nakwimba mwaso wa Mosesa, ngamba ya Njambi, na mwaso wa Muna Manga ngwavo, “Njambi Muka-nzili yoshe, vilinga vyove vinapu vyakama vyakukomokesa! Mwene wa miyati ya vanu, vilinga vyove vyapwa vyavivwa na vushunga!

Kujombolola 16:7

Asinoni njazivile lijwi lyatundile ku mutula lyendekele ngwalyo, “Shukulu Kalunga Njambi Muka-nzili yoshe! Kusompa kwove kunapu kwa vushunga na vuvwa!”

Kujombolola 19:2

Kusompa kwendi kwapwa kwakuvwa na vushunga! Nahisa cikwizi wakama uje waviisile kaye na vupangala vwendi. Njambi namunyanyamesa omwo watsiile vangamba vendi.”

1 Samwele 12:24

Ononokeni Shukulu Kalunga nakumupangela na kulongwa na mbunge yeni yoshe. Anukeni vyuma vyakama vyanamilingila.