Myaso 19:11 - Livulu lya Shukulu Kalunga

¹¹ Akewo anjinangula yange ngamba yove, njinatambula cikandelela akuwononoka.

Myaso 19:11 Iomraidhean Croise

2 Mizimbu 19:10

Nga vavushoko vweni vatunda ku nganda ika nambe ika vanena n̄anda kuli yeni, nambe yakutsiya, nambe yakujomboka lishiko, nambe vizilika, munapande kuvalongesa mwamuvwa mwaya ngila ngeci kesi vakale na mulonga ku mesho a Shukulu Kalunga. Nga kumuvanangula, co vukalu vwa Shukulu Kalunga vukakala ali yeni na vavushoko vweni. Oloni nga muvanangula, co kumukakala na mulonga.

Myaso 119:103

Majwi ove apwelelela mu kanwa kange, apwelelela manene kutuvakana ngenga ya vuki!

Myaso 119:11

Mashiko ove njinaanyungu mu mbunge yange, ngeci kesi njivulumune kuli yove.

Myaso 119:72

Lishiko lyakutunda mu kanwa kove lyalivwa manene kuli yange, kutuvakana vufuko vwoshe vwa ano asi.

Visimo 11:18

Vanu vavavi kuvasa kuwana cuma cimo, oloni nga ulinga mwa vushunga co ukawana cikandelela.

Visimo 24:14

Unapande kuzivuka ngeci mukemwo muwanafu mana ku mwonyo wove. Nga ukala na mana, co cinyangavili cove kucikahu.

Visimo 29:18

Muyati wakujeneka kutwamenena kuli Njambi vanapu muyati wakujeneka lishiko, vavezika vanu vaje vanyunga lishiko lya Njambi.

Ezekiyele 3:3

Wendekele ngwendi, “Muna munu, lya livulu eli linjinakwana, kutisa lifu lyove na livulu eli.” Co njalile, lyatovalele ngwe vuki.

Mateo 3:7

Oloni omo Yowano wamwene vaFaliseo na vaSanduki vavangi vakele nakwija kuli ikeye ngeci avambwitike, co wendekele kuli vakevo ngwendi, “Eni manyoka! Iyajo naminangula ngeci mutewe vukalu vwa Njambi vuje vulinakwija?

Mateo 6:18

ngeci vanu kesi vamimone ngwavo munalikela kulya, kuvanga Ishweni lika uje kumwasa kumona ikeye azivuka. Co Ishweni, muka-kumona vije vimulinakulinga mu vushweke, akamyana cikandelela ceni.

Mateo 6:4

ngecivene, eyi inapu n̄anda ya mu vushweke. Co Ishweni uje ali mwilu muka-kumona vije mukalingi mu vushweke, akamyana cikandelela ceni.

Mateo 6:6

Oloni yove omo ulombela, ya ku mulili wove, nakushoka ku cikolo, co lombela kuli Isho, uje kuwasa kumona. Co Isho uje muka-kumona vije ukalingi mu vushweke, akakwana cikandelela cove.

Vilinga vya Miluwa 20:31

Ngecivene, nyanyameni, co anukeni ngweni mutanya na vutsiki a myaka itatu njalongesele umo na umo weni na misozi yaingi.

1 Kolinte 4:14

Njinasoneka evi vyuma, kesi ngwe njimizivise shwamwa embwe, oloni kumilongesa ngwe vana vange vanjazema.

1 Tesalonika 5:14

Vakwetu, tumisindiya ngwetu munangule volwa, takameseni vipapoki, kwaseni vaka-kuzeya, pweni vaka-lukakateya kuli voshe.

VaHevelu 11:26

Wacimwene ngeci tuyando na kayengu ka ali uje Wakuvwavesa vili kulutwe manene kutuvakana vufuko vwa mu Ingito, omwo wakengele mesho endi a cikandelela cije ca kulutwe.

Yakomba 1:25

Oloni woshe uje akengesesa a mashiko akujela aje akapatula vanu, co uje kawatolilila lika asinoni awevala, oloni awapangesa, munu uje Njambi akamuvezikisa mu vyoshe vije alinga.

2 Yowano 1:8

Linyungeni yeni vavevya, kutewa muzimbalesa vije twapangelele, oloni mukatambula cikandelela ceni camutunu.

Kujombolola 14:13

Asinoni njazivile lijwi lyatundile mwilu lyendekele ngwalyo, “Soneka ngwove, vanavezika vatsi vaje vatsila muli Mwene kutunda ku lelo!” Munzinzime Wakujela wakumbulwile ngwendi, “Mwa vushunga vanavezika! Vakevo vakahwima ku vipangi vyavo vije vaundanganene, omwo fweto ya vipangi vyavo ikavakava.”