Myaso 18:43 - Livulu lya Shukulu Kalunga

⁴³ Yove unanjamena kuli vanu vaka-kutengulukila, nakunjipwisa muka-kushwana miyati, vanu vaje kunjazivukile ololo vanjipangela.

Myaso 18:43 Iomraidhean Croise

2 Samwele 19:9

Co vanu voshe va mu lifuti valijokotesele akati kavo. Valyendekesele umo na mukwavo ngwavo “Mwene Ndaviti watuyoyesele ku vitozi vetu. Ikeye watupatwile kuli vaFilisitiya, co ololo natewa kuli Avisalome naseza lifuti.

2 Samwele 3:1

Nzita ya akati ka mashwalale vemanenene naanga ya Saulu na mashwalale vaje vemanenene naanga ya Ndaviti yakele simbu yakama. Co nzili ya mashwalale va naanga ya Ndaviti yapwile yakama manene, oloni nzili ya mashwalale va naanga ya Saulu yakele nakuzeya.

Myaso 108:9

Mowavi yapwa ngwe mbashiya yange yakujwelela, njikasha vin̄aku vyange a Endome. Kuma vaFilisitiya vayongola ngeci vakalisamba nakuvwaelela ali yange ndi?”

Isaya 49:6

Shukulu Kalunga wendekele kuli yange ngwendi, “Njili na vipangi vyakama ali yove, ngamba yange. Kesi lika vipangi vyakwilwisa vanu va Isalele vaje vanasalao embwe, oloni njinakwaka ano ngeci upwe ceke ku vaka-mafuti, ngeci vaka-kaye voshe vovoke.”

Isaya 52:15

Oloni miyati ya vanu vavangi vakamukomoka, co vimyene kuvakasa kwendeka, vakalikomokela lika. Vakamona nakuzivisisa cuma cije kuvazivukile akulivanga.”

Isaya 55:5

Ololo mukasana miyati yeka, ije kumwazivukile akulivanga, oloni vakaija lumbisi nakulipandakana neni! Yange Kalunga, Njambi yeni, Njambi wakujela wa Isalele, njikalinga ngeci vyoshe evi vinapande kulingiwa, njikamishangazala nakumyana vumpau.”

Hoziya 1:10

Vanu va mu Isalele vakapwa ngwe lishen̄avu lya ku mema a kalunga, lije kuvasa kulilava nambe kuseteka. Ngecivene, ololo Njambi alinakwendeka kuli vakevo ngwendi, “Yeni kesi mu vanu vange,” oloni litangwa lilinakwija omo akendeka kuli vakevo ngwendi, “Yeni munapu vana va Njambi wakuyoya!”

Vilinga vya Miluwa 5:31

Njambi wamusangwile ku vatsi nakumwaka ku livoko lyendi lya cilyo kumupwisa Ntwama na Muyoyesi, mukwana Isalele simbu yakutenguluka ngeci vavasambese ku vivi vyavo.

Loma 15:12

Co lalo Isaya endeka ngwendi, “Mutekulwila wa Njesi akasholoka, akaija mukushwana vaje kesi vaYunda, co vakaka cinyangavili cavo muli ikeye.”

Loma 15:18

Omwo njikasimpa nakwendeka vije lika vyanalingi Kilistu muli yange mukutwamenena vaje kesi vaYunda ngeci vononoke Njambi. Nalingi evi a majwi ange na a vilinga vyange,

Loma 16:26

Oloni nameme ngoco ololo vushunga vuje vanavusholola mutanya mwelu mu visoneka vya vaka-kwimanena, nakushika kwa Njambi wa myaka yoshe vanavusholola ku miyati yoshe, ngeci voshe vakulaele nakwononoka.

Efeso 1:22

Njambi naaka vyuma vyoshe mwisi ya myanja ya Kilistu nakumwimika kupwa mutwe wa cikungulukilo ngwe Mwene wa vyuma vyoshe.

1 Petulu 2:10

A simbu imo kumwapwile vanu va Njambi, oloni ololo munapu mu vanu vendi, a simbu imo kumwazivukile mema ku mbunge ya Njambi, oloni ololo munawana kumizivila mema ku mbunge.

Kujombolola 11:15

Asinoni kangelo wamucitanu na vavali wembile lupembo lwendi, co kwakele majwi akama mwilu endekele ngwawo, “Nzili yakushwana kaye ololo inakundama kuli Mwene yetu na Wakuvwavesa wendi, co akashwana myaka yoshe!”