Myaso 18:28 - Livulu lya Shukulu Kalunga

²⁸ Yove Shukulu Kalunga wapwa ceke, tundisa lisusulungu lyange.

Myaso 18:28 Iomraidhean Croise

2 Samwele 22:29

Yove Shukulu Kalunga wapwa ceke cange, tundisa lisusulungu lyange.

1 Vimyene 11:36

oloni njikatava muna Solomoni kunyunga muyati umolika, ngecivene, simbu yoshe njikakale na mutekulwila wa ngamba yange Ndaviti kushwana mu Yelusalema, nganda ije njinaangula kupwa mutambela wakunjilemesela.

1 Vimyene 15:4

Oloni omwo ali Ndaviti, Shukulu Kalunga Njambi yendi waanene Aviya mwana wa munalume amushwane mu Yelusalema mukunyunga Yelusalema mwamuvwa.

Yombi 18:6

Co ndeya ya mu mbalaka yendi ikatsitsivala.

Yombi 29:3

Njambi simbu yoshe wakele amo nange, co wanjimwesele ceke ngeci njase kwenda mukati ka lisusulungu.

Myaso 112:4

Ceke cikatwila mu lisusulungu kuli vaka-vushunga, omwo Shukulu Kalunga wapwa muka-ngozi, na mema ku mbunge na vushunga.

Myaso 132:17

Njikapwisa umo wa vatekulwila va Ndaviti kupwa mwene wa nzili vumwene vwendi vukakalako, ngwe ndeya ije ishukuma myaka yoshe.

Visimo 20:27

Munzinzime wa munu unapu ndeya ya Shukulu Kalunga, umona vyoshe vyakushweka vili mu mbunge ya munu.

Isaya 2:11

A litangwa lije vaka-kulyalesa vakaziva shwamwa, co vaka-vukama vakavakeesa. Asinoni vakashangazala lika Shukulu Kalunga.

Isaya 2:12

A litangwa lije, Shukulu Kalunga Muka-nzili yoshe akakeesa munu woshe, munu woshe uje muka-kulyalesa nakulijundula.

Isaya 42:16

“Njikatwamenena tupuputwa twange mu vitapalo vije kuvendele. Njikatengulula lisusulungu lyavo kupwa ceke, njikavavwaesela lifuti lije lya minkinda nakulipwisa lyakulambasa. Evi vikevyo vikulaeso vyange, co njikavanyunga, kunjikajuka embwe.

Isaya 62:1

Njikendeka nakutakamesa Yelusalema, kunjikoloka kuluu embwe kuvanga noo inovoka, co kuhyana kwendi kukavyazima ngwe ndeya ku vutsiki.

Mateo 4:16

Vanu vaje vakele mu lisusulungu vanamono ceke. Vaje vakele mu lifuti lya lisusulungu lya kutsa, ceke cinavatwila.”

Luka 1:79

ceke ca mwilu kutwila voshe vaje vanatumbama mu munzinze wa lisusulungu lya kutsa, nakutwamenena mendi etu mu ngila ya kwoloka.”

1 Petulu 2:9

Oloni yeni munapu muyati wakwangula, vaka-kukombelela va Mwene, muyati wakujela, vanu va Njambi vavenya, vanamyangula mukwambulula vikomokeso vya vilinga vya Njambi, uje wamisanene kumitundisa mu lisusulungu kuminena ku ceke cendi cakukomokesa.