Myaso 18:14 - Livulu lya Shukulu Kalunga

¹⁴ Co ikeye washele mikili yendi nakushandola vitozi vendi, nakuhyahyata kwa mihyato wavashekele.

Myaso 18:14 Iomraidhean Croise

Yombi 37:4

Asinoni vakaziva kuluma kwa lijwi lyendi, co aluma na lijwi lyendi lyakama, co muhyato uhyahyata simbu yoshe.

Yombi 37:5

Akushika kwa Njambi vyuma vyakukomokesa vilingiwa, ikeye alinga vyuma vyakukomokesa vije yetu kutwasa kuvilinga.

Yombi 38:35

Wasa kutuma mihyato ngeci iije, nakwendeka kuli yove ngwayo, ‘Yetu vanovo.’

Yombi 6:4

Njambi Muka-nzili yoshe nanjasha mikili, ngeci vulembe vwayo vunajalakana mu muvila wange. Vyakujujwisa vya Njambi vilinakunjilwisa.

Myaso 144:6

Tuma mihyato, co shandola vitozi vove, asha mikili yove, ngeci vatewele kulyala!

Myaso 21:12

Ikeye akavasha mikili yendi, co vakatewa.

Myaso 29:3

Lijwi lya Shukulu Kalunga vakalizivi akamwa ya mema a kalunga, Njambi wa vumpau aluma, na lijwi lyendi lili akamwa ya mema a kalunga.

Myaso 29:7

Lijwi lya Shukulu Kalunga litwa ceke ngwe milangi ya tuhya.

Myaso 77:17

Mashelwa anyokesele nyonzi, co cililimo calumine mwilu, na mihyato yahyahyatele ku mitambela kwoshe.

Myaso 77:18

Mikalateto ya cilumo cove yasholokele, na mihyato yahyahyatele mu kaye mwoshe, co asi ajajele.

Isaya 30:30

Munu woshe akaziva lijwi lyakukomokesa lya Shukulu Kalunga, nakuziva nzili ya vukalu vwendi. Co kukakala milangi ya tuhya, na kankumba, na nyonzi ya mamanya, na mita yakama.

Njwele 2:11

Shukulu Kalunga ashika mashwalale vendi na lijwi lyakama ngwe cililimo. Mashwalale vaje vamwononoka vapwa vavangi, co lalo vakala na nzili. Litangwa lya Shukulu Kalunga likapwa lya vukalu manene! Naumo wai akasa kuputumuka.

Hambakuke 3:11

Omo ceke ca mikili yove ije yetile vwasi, na omo kuvyakula kwa likunga lyove, co litangwa na ngonde vyemanene.

Kulava 24:8

Njambi wavatundisile mu Ingito, ikeye akavalwila ngwe mpakasha. Ikeye akazilisa vitozi vavo, nakupokozola vitsiya vyavo, nakuvapokozola mikili yavo.

Kwituluka mu Mashiko 32:23

“ ‘Co njikanena tuyando twakujeneka kuhwa ali vakevo, co njikapangesa vukalu vwange vwoshe ali vakevo.

Kwituluka mu Mashiko 32:42

Mikili yange ikandweka na maninga avo, co mukwale wange ukatsiya voshe vaje vaka-kunjipopolola. Naumo wai injikayoyesa akati ka vaje vaka-kunjilwisa, nameme vishwalonda na vinzinda vakatsa.’

Yoshwa 10:10

Ngecivene, Shukulu Kalunga wauya-wuyisile vaAmoli ku mesho a vaIsalele. Co vaIsalele vatsiile vaAmoli ku Ngimbiyone, asinoni vavashekelele ku ngila yakwita ku lilundu ku Mbete Holone, co vatsiile vanu vavangi nakuvasheka nakuvetesa ku mbwela ya ku Azeka, na ku Makenda.

1 Samwele 2:10

“Vitozi va Shukulu Kalunga vakavanyongesa, akavahyatwila mihyato mwilu. Shukulu Kalunga akasompa kaye koshe, ikeye akana nzili kuli mwene yendi, akahyanesa mwene uje yanalyangwila.”