Myaso 18:13 - Livulu lya Shukulu Kalunga

¹³ Asinoni Shukulu Kalunga walumine mwilu, na lijwi lya wa Akamwa ya Akamwa valizivile.

Myaso 18:13 Iomraidhean Croise

Yombi 40:9

Kuma yove uli na nzili ngwe yange ndi? Kuma lijwi lyove lyasa kukala na cililimo cakama ngwe lyange ndi?

Myaso 104:7

Omwo waluvalele mema atewele omo azivile kushika kwove kwa nzili, co aitile vwasi.

Myaso 11:6

Ikeye akatumu tuhya twa lilungu mukwenyeka vaka-vuvi, nakuvahisa na lihunzi lya kwenyeka.

Myaso 140:10

Manungu a tuhya avalundumukile, vombile mu linzenzengoma muje kuvasa kutunda.

Myaso 78:48

Watsiile vingombe vyavo na nyonzi ya mamanya, co watsiile matanga avo na muhyato.

Kutuuka 20:18

Omo vanu vazivile cililimo nakutenda kwa lupembo, co vamwene muhyato na vwisi vwakele nakukakama a munkinda, co vajajele na lyova, vemanene alyala.

Kutuuka 9:24

Shukulu Kalunga watumine lisindu-mbowe lya nyonzi ya mamanya, na mihyato yahyahyatele noku-noku. Lyapwile lisindu-mbowe lyakama manene lije kutunda ku visimbu vyalaja kuvalimwene mu Ingito nakweta na lelo.

Ezekiyele 10:5

Co muyoyo wa mambava a vaje vikashama, vauzivile nameme mukati ka cipango. Muyoyo uje walifwile ngwe lijwi lya Njambi Muka-nzili yoshe.

Hambakuke 3:5

Ikeye atuma mishongo kulutwe lwendi, co ashika kutsa ngeci kumukave.

Yowano 12:29

Ije mbunga yemanene kuje vazivile lijwi, co vamo vavo vendekele ngwavo cililimo, vakwavo vendekele ngwavo,“Kangelo nendeka nendi!”

Kwituluka mu Mashiko 32:24

Co vakalanduka ku njala na ku lilanga, mishongo yakukomokesa ikavalya. Njikatuma vikashama va mu shwata nakuvatsiya, na manyoka va vushungu vwavuvi vakavashuma.

Yoshwa 10:11

Omo vaAmoli vatewele kushelumukila mu ngila ya Mbete Holone kutunda ku nzita ya vaIsalele, co Shukulu Kalunga wavanyokeselele nyonzi yakama ya mamanya a ngila yoshe nakweta ku Azeka. Vavangi vatsile ku nyonzi ya mamanya kutuvakana vaje vavatsiile vaIsalele.

Kujombolola 19:6

Asinoni njazivile lijwi lyakama ngwe lya mbunga, lyakufwa ngwe kukuma kwa cipupa ca mema, lyakufwa ngwe mikalateto ya mihyato. Co njazivile vendeka ngwavo, “Shangazaleni Njambi! Omwo Shukulu Kalunga Njambi yetu Muka-nzili yoshe, ikeye wapwa Mwene!

Kujombolola 4:5

Co ku litanda lije kwatundile vyeke vya muhyato, na cililimo nakuluma kwakushwakumo. Co vyeke vya mitetango itanu na ivali vyakele nakushukuma kulutwe lwa litanda, eyi inapu minzinzime itanu na ivali ya Njambi.

Kujombolola 8:5

Asinoni kangelo wanonele lilonga lyakwenyekela insense, walishulile na tuhya twakutunda ku mutula, co walyumbilile asi. Co kwakele mikalateto na cililimo cakama na milangi ya mihyato na mandunduma akama.

1 Samwele 7:10

Co omo Samwele wakele nakukombelela n̄ombelo ya kwenyeka, vaFilisitiya vezile nakulwisa vaIsalele, oloni aje vene, Shukulu Kalunga watumine cililimo cakama ali vakevo. Wavauya-wuyisile, co vatewele.