Myaso 16:7 - Livulu lya Shukulu Kalunga

⁷ Njikushangazala yove Shukulu Kalunga, omo unanjana mana. Nameme simbu ya vutsiki mbunge yange injinangula.

Myaso 16:7 Iomraidhean Croise

Myaso 119:148

Kunjesi kulala tulo vutsiki vwoshe, njikayongola lika vikulaeso vyove.

Myaso 119:55

Ku vutsiki njikakuyongola Shukulu Kalunga co njikononoka lishiko lyove.

Myaso 119:7

Njikakushangazala na mbunge ya kulongwa, omo njililongesa mashiko ove akushungama.

Myaso 17:3

Yove uzivuka mbunge yange. Yove unaija kuli yange a simbu ya vutsiki. Unanjiilula mwamuvwa, co kuwawanene mashungu a vuvi muli yange.

Myaso 22:2

Mutanya woshe njitambeka kuli yove Njambi yange, oloni kuwesi kunjikumbulula, njitambeka vutsiki vwoshe, oloni kunjesi kujuka embwe.

Myaso 42:8

Shukulu Kalunga amwese cizemo cendi cije kucesi kutenguluka ku mutanya, co njimwimbila mwaso ku vutsiki, kupwa lilombelo lya kuli Njambi yange wa mwonyo.

Myaso 63:6

Omo njilala a vulili vwange njikakuyongola, vutsiki vwoshe njikanuka lika yove,

Myaso 73:21

Omo njaviililile, co mbunge yange yavavalele,

Myaso 73:24

Yove unjitwamenena na mana ove, co akukotoka ukanjitambula na kasingimiko.

Myaso 77:2

A simbu ya n̄avava njilomba kuli Shukulu Kalunga, vutsiki njijundula mavoko ange nakulombela, oloni kunjalizembelekele.

Myaso 77:6

Njanukile myaso ku vutsiki, evi vikevyo njalyendekesele mu mbunge yange ngwange,

Visimo 8:14

Njikatumbu matumbe nakuwalinga, nji muka-kuzivisisa, co njapwa muka-nzili.

Isaya 26:9

Mbunge yange ilinakukushaka a simbu ya vutsiki, omwo viyongola vyove vimwesa vanu voshe ano asi muje muvanapande kuyoya mwa vushunga.

Isaya 48:17

Njambi wakujela wa Isalele, Shukulu Kalunga muka-kumyamena alinakwendeka ngwendi, “Yange Kalunga Njambi yeni, uje amilongesa vyuma vyavivwa, nakumitwamenena mu ngila yaivwa muje mumunapande kuya.

Isaya 50:4

Shukulu Kalunga wa Akamwa ya Vyoshe nanjilongesa vije vyakwendeka, ngeci njase kutakamesa vaje vanajuka. A mutondo na mutondo akanjiindula ngeci njizive vije vyanjilongesa.

Njelemiya 12:2

Unavakunu ngwe miti, vanamene mizi, vanakolo nakwima vushuka. Nameme vene vakevo valinakukushangazala, oloni vimbunge vyavo vili kulyala nove.

Njelemiya 17:10

Yange Kalunga, nji muka-kweseka viyongola nakwilula vimbunge vya vanu, mukwana ku munu na munu kupwisa mu ngila yendi yakuyoyelamo, nakupwisa ku vipangi vya vilinga vyendi.”

Luka 6:12

A simbu ije Yesu walamatele ku munkinda nakulombela, co wakele nakulombela vutsiki vwoshe kuli Njambi.

Kujombolola 2:23

Co lalo njikatsiya vaka-kumukava, asinoni vikungulukilo vyoshe vikazivuka ngeci kuma yange uje azivuka viyongola vya vanu na vizango vyavo. Njikafweta umo na umo weni kupwisa ku vilinga vyendi.