Myaso 16:4 - Livulu lya Shukulu Kalunga

⁴ Vaje vapangela vinjambi veka, valikokela tuyando twakama, oloni yange kunjikalipandakana navo ku vin̄ombelo vyavo, nambe kulemesa vinjambi vavo.

Myaso 16:4 Iomraidhean Croise

Kushangumuka 35:14

Asinoni Yakomba wemikile limanya lya canukiso ku mutambela uje kwendekelele Njambi nendi, co wetilileo mulambu wakunwa wa vinyu na mazi a olive mukulikundika.

Myaso 32:10

Vaka-vuvi vakayanda, oloni vaje vakulaela kuli Shukulu Kalunga vakavanyunga na cizemo cendi cije kucesi kutenguluka.

Myaso 97:7

Voshe vaje valemesa tumponya, shwamwa ikavakola, vinjambi voshe va makuli vakatsikama kuli Shukulu Kalunga.

Kutuuka 23:13

“Co tolilileni ku vyuma vyoshe vije vinjendeka kuli yeni yange Kalunga. Kesi mulombele kuli vinjambi veka, kesi muvatumbozole nameme a mazina avo.

Isaya 57:6

Mulinakwambatako mamanya akuseneta, co mulinakuwalemesa ngwe vinjambi. Muketilako vinyu kupwa vin̄ombelo nakuvatwalela n̄ombelo ya vimbuto vya vinona. Kuma munayongola ngweni njasa kuvwaelela nevi vyoshe ndi?

Isaya 65:11

“Oloni kukakala kulyangunuka neni mulinakunjivyana, yeni mulimbulula Siyone, lilundu lyange lyakujela, nakulemesa Ngande na Meni, vinjambi va sande na luvinda.

Isaya 66:3

“Vanu valinakulinga ngwe mucavavwasela. Kuli vakevo vyoshe vyafwa mumo nambe vatsiya ngombe wa nkomba wa n̄ombelo nambe vakombelela munu, nambe vakombelela muna manga nambe vatukula mukoshi wa katali, nambe vaana n̄ombelo ya vimbuto vya vinona, nambe vakombelela maninga a vangulu, nambe vakombelela insense, nambe valombela ku kamponya. Vavwaelela a vingila vyavo vya vuvi vyakulemesa.

Njelemiya 7:18

Vanike vacava vitale, vanalume vavweka tuhya, co vanakazi vashinga vunga nakwoca makende a njambi wa munakazi uje ivatumbula ngwavo Lishano lya Mwilu. Co vetila lalo n̄ombelo ya vinyu kuli vinjambi veka, ngeci vanjizivise ku mbunge kuvavala.

VaLevi 23:13

Amo na mulambu wa makilo avali a vunga vwakutsingasana na mazi a olive kupwa n̄ombelo ya vyakulya kuli Shukulu Kalunga. Co vweko vwavuvwa vwa mulambu ou vukavwaelelesa Shukulu Kalunga. Co amo na mulambu wa lita imo ya vinyu.

Yona 2:8

Voshe vaje vaka-kulemesa tumponya twangoco vanakukengesa nima yove Muka-kutetela.

Yoshwa 23:7

co kesi mukalikumbasane na vanu ava vanasalao akati keni nambe kutumbula mazina a vinjambi vavo, nambe kulisinga a mazina a vinjambi vavo, nambe kulemesa vinjambi vaje, nambe kuvatsikamena embwe.