Myaso 16:3 - Livulu lya Shukulu Kalunga

³ Vanu va Shukulu Kalunga vaje vakujela vali ano asi, vanapu va vulemu, njilinakuvwaelela muli vakevo.

Myaso 16:3 Iomraidhean Croise

2 Mizimbu 6:41

Ngecivene, ololo katuka, Shukulu Kalunga Njambi, amo na Cikasa ca Cikumiiyo, cikeco cimweso ca nzili yove, kovela mu Njuvo yove ukalemo myaka yoshe. Vezikisa vaka-kukombelela vove mu vyoshe vivalinga, co vanu vove voshe vajolele mu ngozi yove.

Myaso 101:6

Njikashakezeka vanu vaje va kulongwa kuli Njambi, njikavatava ngeci vakakale amo nange, voshe vaje venda mu ngila ya vushunga, vakapwa vanu vaka-kunjipangela.

Myaso 116:15

Kutsa kwa vaka-kukulaela, kuli na seo ku mesho a Shukulu Kalunga.

Myaso 119:63

Yange nji musamba wa vaje voshe vaka-kukukomoka, na musamba wa voshe vaje vononoka mashiko ove.

Myaso 122:8

Omo ali vavushoko vange na ali vasamba vange, njendeka kuli yove Yelusalema ngwange, “Kwoloka kukale amo nove!”

Myaso 30:4

Yeni vanu vendi vakujela, imbeni nakushangazala Shukulu Kalunga! Anukeni vije vyanalingi uje Wakujela, co kandeleleni.

Visimo 12:26

Muka-vushunga napu cimweso ku mukwavo, oloni ngila ya muka-vuvi ivazimbalesa.

Visimo 13:20

Uje enda na vaka-mana apwa muka-mana lalo, oloni uje enda na vilema akanyonga.

Visimo 8:31

njavwaelelele na kaye, co lalo njavwaelelele na vanu vamwo.

Myaso ya Solomoni 7:10

Njakundama kuli muka-cizemo cange, co ikeye wanjishaka manene.

Isaya 62:4

Kuvakakutumbula ngwavo, “Nganda ivanaseze.” Nameme lifuti lyove kuvakalitumbula ngwavo, “Munakazi wa mumba.” Oloni lizina lyove lyaliha likapwa “Njambi Avwaelela Nendi.” Lifuti lyove vakalitumbula ngwavo, “Nashomboka Nakuvwaelela.” Omwo Shukulu Kalunga navwaelela nove, co akapwa ngwe munalume ku lifuti lyove.

Malakiya 3:17

Shukulu Kalunga Muka-nzili yoshe nendeka ngwendi, “Vakapwa vanu vange. A litangwa lije omo njikalinga, vakevo vakapwa vanu vange. Njikavazivila mema ku mbunge ngwe cisemi azivila mema ku mbunge munendi uje amupangela.

Vilinga vya Miluwa 9:13

Oloni Ananiyasi wakumbulwile ngwendi, “Mwene, vanu vavangi vananjileka vyowo munalume na vyuma vyavingi vyavikalu vyanalingi ku vanu vove mu Yelusalema.

Ngalatiya 6:10

Ngecivene, ngwe omo tuli na simbu, tunapande kulingila vuvwa kuli munu na munu, vunene vene kuli vaje vanakundama ku naanga yetu mukukulaela.

Efeso 1:1

Mukanda wakutunda kuli yange Paulu, ku cizango ca Njambi njinapu muluwa wa Kilistu Yesu. Njilinakusonekela kuli vanu va Njambi vaje vali mu Efeso, kuli vaje vaka-kukulaela kuli Kilistu Yesu.

Tito 3:8

Oku kunapu kwendeka kwa vushunga. Njishaka wendeke manene vyuma evi, ngeci voshe vaje vaka-kukulaela kuli Njambi vakane simbu yavo mukulinga vipangi vyavivwa, vije vinapu vyavivwa, co vikwasa vanu.

VaHevelu 6:10

Omwo Njambi kesi kwonwa, ngeci evale vipangi vyeni vimwalingile, nambe cizemo cendi cimunamwesa omwo lizina lyendi, omo yeni mwakwasele vaka-kukulaela, na ololo mucili nakuvakwasa.