Myaso 150:3 - Livulu lya Shukulu Kalunga

³ Mushangazaleni na malupembo! Mushangazaleni na tulyalya na visanzi!

Myaso 150:3 Iomraidhean Croise

2 Samwele 6:15

Ngecivene, Ndaviti na vaIsalele voshe vatwalele Cikasa ca Cikumiiyo ku Yelusalema, vatwile tuwelele twakuvwaelela nakwimba malupembo.

2 Samwele 6:5

Ndaviti na vaIsalele voshe vakele nakukina nakwimba na nzili yavo yoshe nakusingimika Shukulu Kalunga. Vakele nakwimba tulyalya, na visanzi, na vingoma, na misambo, na vingenjo.

1 Mizimbu 15:20

Vaka-kwimba tulyalya twakutendeka manene vapwile, Zekaliya, na Njaziyele, na Shemilamote, na Njehiyele, na Uni, na Elyave, na Maseya, na Mbenaya.

1 Mizimbu 15:24

Co vaka-kukombelela, Shembaniya, na Njosifate, na Netanela, na Amasai, na Zekaliya, na Mbenaya, na Elyazale, vavaangwile kupwa vaka-kwimba malupembo kulutwe lwa Cikasa ca Cikumiiyo.

1 Mizimbu 15:28

Ngecivene, vaIsalele voshe vatwalele Cikasa ca Cikumiiyo ku Yelusalema na tuwelele twakuvwaelela, nakwoya kwa malupembo, na vimbinga, na vingenjo, na myaso ya a tulyalya.

1 Mizimbu 16:42

Hemane, na Njendutune lalo vakele na moko ya malupembo, na vingenjo, na vyakwimbisa vikwavo vije vakele nakwimba omo vembile myaso yakulemesa. Co vanu vaka-cikota ca Njendutune vakele na moko yakunyunga ku vikolo.

1 Mizimbu 25:1

Mwene Ndaviti na vantwama va vaLevi vaangwile vikota vya vaLevi kutwamenena vipangi vyakulemesa, mazina avo, Asafe, na Hemane, na Njendutune. Vaje vakele nakwambulula vin̄anda vya Njambi, nakwimba myaso a tulyalya na a vingenjo. Ou ukewo mukana wa vanu vavaangwile kupwa vaka-kutwamenena akulemesa, ngwe a ngila ije vaangwile yakwendeselamo vipangi vije mbunga imo na imo yalingile.

2 Mizimbu 20:28

Omo vetele mu nganda, vaile ku Njuvo ya Shukulu Kalunga, oku vemba tulyalya na malupembo.

2 Mizimbu 5:13

Vaka-kwimba valikumbasanene mukwimba malupembo, na vingenjo na vyakwimbisa vyeka omo vakele nakushangazala Shukulu Kalunga. Vembile ngwavo, “Shangazaleni Shukulu Kalunga, omwo ikeye wapwa wamuvwa, cizemo cendi cakala ku myaka yoshe.” Omo vaka-kukombelela vatundile mu Njuvo ya Shukulu Kalunga, co lishelwa lyakovelele nakushulisa mu Njuvo ya Shukulu Kalunga ngeci vaka-kukombelela kuvasele kwilukilamo nakupanga vipangi vyavo,

Myaso 108:2

nakushangazala Shukulu Kalunga na kalyalya kange na cisanzi cange!

Myaso 149:3

Shangazaleni lizina lyendi nakukina, mwimbileni myaso yakumushangazala, na vingoma na tulyalya.

Myaso 33:2

Shangazaleni Shukulu Kalunga na tulyalya, mwimbileni na kalyalya ka mikole likumi.

Myaso 92:3

na kalyalya kakulema mikole likumi, nakusungika kwakuvwa kwa kalyalya.

Ndanyele 3:5

Omo mukaziva kwimba kwa malupembo, na vindamba, na visanzi, na misambo, na tulyalya, na vyoshe vyakwimbisa vyeka vikaliwana amo nakwimba. Omo vaka-kwimba vakashangumuka, co yeni voshe mukakulama nakulemesa kamponya kaje kanemika Mwene Nevukaneza.

Kulava 10:10

Co a litangwa lyakujolela a Viwano vyeni vya Kutenama kwa Ngonde na a viwano vikwavo vya vunjambi ku simbu ije ivemika, mukaimba malupembo omo mwana milambu yeni ya kwenyeka na milambu yeni ya kulitombola, eci cikapwa canukiso ceni ku mesho a Njambi yeni. Yange Njapwa Kalunga Njambi yeni.”