Myaso 149:4 - Livulu lya Shukulu Kalunga

⁴ Shukulu Kalunga avwaelela ali vanu vendi, asingimika vaka-kulikeesa nakuvahyanesa.

Myaso 149:4 Iomraidhean Croise

Myaso 117:2

Omwo cizemo ca Shukulu Kalunga cije kucesi kutenguluka, capwa cakama kuli yetu, na kulongwa kwendi kwakala ku myaka yoshe. Shangazaleni Shukulu Kalunga!

Myaso 132:16

Njikavezikisa vaka-kukombelela vamwo, mu vyoshe vivakalinga, co vanu vamwo vakaimba nakutambeka nakuvwaelela.

Myaso 147:11

oloni avwaelela lika muli vaje vamukomoka, na muli vaje voshe vakulaela mu cizemo cendi cije kucesi kutenguluka.

Myaso 22:8

Co vendeka ngwavo, “Yove wakulaelele kuli Shukulu Kalunga, omwo vikajo lalo kakwamena? Nga Shukulu Kalunga wakushaka, vikajo kakukwasela?”

Myaso 35:27

Vaje vashaka kumona kusamba kwange vatambeke nakujolela nakwendeka ngwavo, “Shukulu Kalunga wapwa wakama! Ikeye avwaelela akuvezika kwa ngamba yendi!”

Myaso 90:17

Shukulu Kalunga Njambi yetu, vivezikiso vyove vikale amo netu. Tuvezikise mu vyoshe vije vitulinga.

Visimo 11:20

Shukulu Kalunga wazinda vanu vaka-vimbunge vyavivi, oloni azema vaje vaka-kulinga vya vushunga.

Myaso ya Solomoni 1:11

Oloni tukakulingila lilyenge lya ngolinde, na vimande vya siliva.

Isaya 61:10

Yelusalema ijolela omwo vije vyanalingi Shukulu Kalunga. Shukulu Kalunga nafu ngwe shombolwa nazala vuzalo vwa vushombolwa. Njambi namwamena nakumuhyanesa.

Njelemiya 32:41

Co njikavwaelela kulinga vyuma vyavivwa kuli vakevo, co njikavaka mu lifuti lino ku myaka yoshe.

Zefaniya 3:17

Shukulu Kalunga Njambi yeni ali amo neni, nzili yendi ikamihyanesa. Shukulu Kalunga akavwaelela neni, co akamyana mwonyo wauha omwo ikeye wamizema! Akaimba nakujolela ali yeni,

VaHevelu 12:10

Vatatetu va cisemwa ca ano asi vatunyanyamesa kasimbu kakandondo lika, ngwe mucinasholoka vushunga ku mesho avo, oloni Njambi alinakucilinga ngeci tupwe vakujela tukalipangele vumpau vwendi.

1 Petulu 3:4

Oloni vuvwa vweni vunapande kupwa vwa vushunga vwa mukati, vuvwa vuje kuvwesi kuvola vwa lyovwa-ovwa na kwoloka kwa munzinzime, eci cikeco ca seo yakama manene ku mesho a Njambi.

1 Petulu 5:5

Mu cifwa cimo vene, yeni vakwenje munapande kwononoka kuli vakulunu. Co yeni voshe pweni vaka-kulikeesa, mukupangela umo na mukwavo, omwo visoneka vyendeka ngwavyo, “Njambi akavyana vaka-kulyalesa, oloni akamwesa kutetela kuli vaka-kulikeesa.”

Kujombolola 7:14

Co njakumbulwile ngwange, “Mwane, yange kunjizivuka, yove uzivuka.” Co wendekele kuli yange ngwendi, “Ava vakevo vanu vanatundu mu n̄avava yakama kujeneka vushonde. Co vanakushu vuzalo vwavo nakuvutokesa too mu maninga a Muna Manga.