Myaso 148:8 - Livulu lya Shukulu Kalunga

⁸ muhyato na nyonzi ya mamanya, mema akukonda na mashelwa, lihunzi lyakama lije lyononoka kushika kwendi!

Myaso 148:8 Iomraidhean Croise

Kushangumuka 19:24

Aje vene, Shukulu Kalunga wanyokesele tuhya twa lilungu lyakama a vinganda vya Sondoma na Ngomola.

Yombi 37:12

akewo alinakushwenya akushika kwa Njambi. Co alinga vyoshe vije Njambi avishika, kwoshe-ikwoshe mu kaye mwoshe.

Myaso 103:20

Yeni tungelo va nzili shangazaleni Shukulu Kalunga, yeni vaka-kwononoka mashiko endi,

Myaso 18:12

Nyonzi ya mamanya na milangi ya tuhya vyatundile ku mihyato ije yakele kulutwe lwendi. Co vyasholokele mu mashelwa akuzivala.

Kutuuka 10:13

Ngecivene, Mosesa wajundwile mulamu wendi, co Shukulu Kalunga wahuwisile lihunzi lyakutunda mu ngangela lyahuhwile mu lifuti litangwa lyoshe na vutsiki vwoshe. Co ku mutondo lyanenele vimbimba mikumbi.

Kutuuka 10:19

Co Shukulu Kalunga watengulwile lihunzi lya mu ngangela kupwa lihunzi lyakama manene lya mu kangombe ka yambi, co lyakupekumwine vimbimba mikumbi nakuvalundumwina mu Linema lya Suwezi. Co kukwasalele lalo mbimba mukumbi umo mu Ingito mwoshe.

Kutuuka 14:21

Mosesa wolwele livoko lyendi akamwa ya mema a kalunga, co Shukulu Kalunga wahuwisile lihunzi lyakama lyatundile mu ngangela. Lihunzi lyahuhwile vutsiki vwoshe, co mema a kalunga omine cau. Co mema alyangunukile,

Isaya 66:16

Mukwale wendi wa tuhya ukanena vushunga kwoshe-ikwoshe ano asi nakutsiya vanu vavangi.

Njwele 2:30

“Njikalinga vikomokeso mwilu na ano asi, kukakala kwitila maninga, tuhya, na mashelwa a vwisi.

VaLevi 10:2

Aje vene Shukulu Kalunga watumine tuhya, twavenyekele nakuvatsiila kuje vene ku mesho a Shukulu Kalunga.

Amose 4:13

Njambi ikeye watangele minkinda, co watangele lihunzi. Ikeye asholola viyongola vyendi ku munu ngeci munu avizivuke, ikeye atengulula mutanya kuupwisa vutsiki. Ikeye muka-kushwana ano asi oshe. Lizina lyendi ikeye, Shukulu Kalunga Njambi Muka-nzili yoshe!

Amose 7:4

Njamwene cimona cikwavo lalo cakutunda kuli Shukulu Kalunga wa Akamwa ya Vyoshe. Mu cimona cije njamumwene alivwaesela kunyanyamesa vanu vendi na cihiso ca tuhya. Co tuhya twenyekele nzinga yakama ya mema a kalunga, co twashangumukile kwenyeka lifuti.

Yona 1:4

Oloni Shukulu Kalunga watumine lihunzi lyakama manene a mema a kalunga, co mankimba angwanjangele manene ngecivene, vuje vwato vwashakele kutavuka.

Yona 1:5

Co vaka-kujavula voshe vazivile lyova manene, ngeci munu na munu watambekele kuli njambi yendi. Co vombangelele vivala mu ndonga ngeci vwato vwehuke. Oloni a simbu ije, Yona nakovela laja mukati-kati ka vwato nalala mbolila.

Kulava 16:35

Asinoni Shukulu Kalunga watumine tuhya, co twenyekele vaje vanalume 250 vaje vakombelelele insense.

Yoshwa 10:11

Omo vaAmoli vatewele kushelumukila mu ngila ya Mbete Holone kutunda ku nzita ya vaIsalele, co Shukulu Kalunga wavanyokeselele nyonzi yakama ya mamanya a ngila yoshe nakweta ku Azeka. Vavangi vatsile ku nyonzi ya mamanya kutuvakana vaje vavatsiile vaIsalele.

Kujombolola 16:21

Nyonzi yakama ya mamanya yanyokele, limanya limo na limo akulipeselesa lyapwile ngwe makilo makumi atanu, atundile mwilu nakuwila a vanu, vaje vashawile Njambi omwo tuyando twa nyonzi ya mamanya, omwo kayando kaje kapwile kakukomokesa manene.