Myaso 147:3 - Livulu lya Shukulu Kalunga

³ Akangwisa vaka-kuzeya mu vimbunge, nakusaka vimbandu vyavo.

Myaso 147:3 Iomraidhean Croise

Yombi 5:18

Omo Njambi akutwa mbandu, co azengao, nambe akupupa na mavoko endi, anga vene mavoko endi akukangwisa.

Myaso 34:18

Shukulu Kalunga ali muyehi na vaje vanazeye mu vimbunge, ikeye amena vaje vanajeneka cinyangavili.

Myaso 34:19

Tuyando twa muka-vushunga twapwa twatungi, oloni Shukulu Kalunga amwamena mu vyoshe.

Myaso 51:17

Yove Njambi, n̄ombelo yange inapu munzinzime wa kulikeesa, kuwesi kuvyana mbunge ya kulikeesa na mbunge yakutenguluka.

Isaya 57:15

“Yange Njambi wa Akamwa ya Vyoshe, na Njambi wakujela, uje wayoya myaka yoshe. Yange njayoya akamwa na ku mutambela wakujela, oloni njayoya lalo na vanu vaje valikeesa nakutenguluka, ngeci njiindule kusimpa kwavo na cinyangavili cavo.

Isaya 61:1

Shukulu Kalunga wa Akamwa ya Vyoshe nanjishulisa na Munzinzime wendi. Nanjangula nakunjituma mukutwala muzimbu wauvwa kuli tuutu. Mukukolesa vaka-vimbunge vyakupokoka. Mukwambulwila vinzinda kupatuka, nakupatula vaje vali mu kamenga.

Njelemiya 33:6

Oloni njikakangwisa nganda eyi na vanu vamwo nakuvana ciindu. Njikavamwesa kwoloka kwakushemutuka na vuvwa.

Ezekiyele 34:16

“Njikashakezeka vaje vanazimbala nakwilwisa vaje valinakuyevangela mwangoco, co njikakuta vaje vanavetwa, nakukangwisa vaje valinakuvinja, oloni vaje vakununa vali na nzili njikavanyongesa, omwo yange njapwa kanyungi uje akalingi vya vushunga.

Malakiya 4:2

Oloni kuli yeni munjononoka, nzili yakwamena kwange ikakala ali yeni ngwe litangwa, co ikanena vukangwisi ngwe misha ya litangwa. Co mukapwa vaka-kupatuka nakuvwaelela ngwe vana va vingombe vatuuka mu licakana.

Luka 4:18

“Munzinzime wa Shukulu Kalunga ali muli yange, omwo nanjangula kwambulula Vin̄anda Vyavivwa kuli tuutu. Nanjitumu kwambulula kupatuka kuli vinzinda, nakutonesa tupuputwa ngeci vamone, nakupatula vaje vavalinakuyandesa,