Myaso 147:19 - Livulu lya Shukulu Kalunga

¹⁹ Atuma majwi endi kuli vanu vendi, atuma vilongesa vyendi na mashiko endi ku Isalele.

Myaso 147:19 Iomraidhean Croise

Ezela 7:6

Ezela watundile ku Mbambilone. Ikeye wapwile muka-kusoneka uje wazivukile mwamuvwa Lishiko lya Mosesa, lije lyamwanene Shukulu Kalunga, Njambi ya Isalele. Omwo Ezela wakele na vivezikiso vya kuli Shukulu Kalunga Njambi yendi, co mwene wamwanene vyuma vyoshe vije vyalombele.

Myaso 103:7

Washolwele viyongola vyendi kuli Mosesa, nakumwesa vilinga vyendi vya nzili ku vanu va Isalele.

Myaso 76:1

Njambi vamuzivuka mu Yunda, lizina lyendi lyapwa lyakama mu Isalele.

Myaso 78:5

Ikeye waanene vukaleo ku vanu va Isalele, na mashiko kuli vatekulwila va Yakomba. Ikeye washikile vakukulwila vetu, ngeci valongese mashiko endi ku vana vavo,

Ezekiyele 20:11

Co njavanene mashiko ange nakuvalongesawo, mashiko aje aana mwonyo kuli munu na munu uje awononoka.

Hoziya 8:12

Njisonekela vanu vilongesa vyavingi, oloni valinakuvivyana ngwavo vinapu vyakukomokesa vya vungenzi kuli vakevo.

Malakiya 4:4

“Anukeni vilongesa vya ngamba yange Mosesa, na mashiko aje anjamwanene a Munkinda wa Sinai kuli vanu voshe va Isalele ngeci vawononoke.

Loma 3:2

Cuma cakama manene mu vingila vyoshe! Mu mutambela wakulivanga, Njambi wakundikile lijwi lyendi kuli vaYunda.

Loma 9:4

Vanapu vanu va Njambi, navapwisa vana vendi nakuvasholwela vumpau vwendi, walingile vikumiiyo navo nakuvana Lishiko, vakalemesa mwa vushunga, vanatambula vikulaeso vya Njambi,

Kwituluka mu Mashiko 4:1

Asinoni Mosesa wendekele kuli vanu va Isalele ngwendi, “Ononokeni mashiko oshe aje anjimilongesa, ngeci mukayoye nakukala mu lifuti lije lyakamyana Shukulu Kalunga Njambi ya vakukulwila veni.

Kwituluka mu Mashiko 4:45

Ovu vukevwo vukaleo, na mashiko, na vilongesa vije Mosesa waanene kuli vanu va Isalele omo vanatundu laja mu Ingito.

Kwituluka mu Mashiko 4:8

Kukwesi muyati weka wakama lalo nambe wakufwa vati, uje uli na mashiko akushungama ngwe awa njamilongesa ku litangwa lya lelo.

Kwituluka mu Mashiko 5:22

“Awa akewo mashiko aje Shukulu Kalunga waanene kuli yeni voshe omo mwalikungulwile kuje ku munkinda, omo ikeye wendekele na lijwi lya nzili oku ali mukati ka tuhya mu lishelwa lije lyakuzivala. Co Shukulu Kalunga wamyanene mashiko awa. Kukwesi eka lalo awezeleleleko ayi. Co waasonekele a vitale vivali vya mamanya nakuvyana kuli yange.

Kwituluka mu Mashiko 5:31

Oloni yove Mosesa, kala nange kuno ngeci njikwane mashiko ange oshe nakushika kwange kwoshe, co vilongese ku vanu ngeci vakavyononoke mu lifuti lije linjikavana ngeci valishwane.’

Kwituluka mu Mashiko 6:1

“Awa akewo mashiko aje Shukulu Kalunga Njambi yeni wanjishikile kumilongesawo. Munapande kuwononoka mu lifuti lije limukakovela nakulishwana.