Myaso 145:4 - Livulu lya Shukulu Kalunga

⁴ Cisemwa na cisemwa cikashangazala vyuma vije viwunalingi, vakambulula vipangi vyove vya nzili.

Myaso 145:4 Iomraidhean Croise

Esita 9:28

Vanapande kwanuka ngeci, naanga ya kaYunda woshe na cisemwa coshe ca kulutwe mu lifuti lyoshe na mu nganda yoshe vanapande kwanuka nakunyunga matangwa a Pulime ku visimbu vyoshe vya kulutwe.

Yombi 8:10

Oloni tava vanalume va ku san̄ulu vakunyanyama vakulongese, yove tolilila lika vije vendeka ngwavo,

Myaso 71:18

Ngecivene, nameme njinakuluvala manene na vwele vuli ku mutwe wange, yove Njambi kesi unjiseze, noo njikambulula vilinga vyove ku visemwa vyoshe vije vikaija kulutwe.

Isaya 38:19

Kuvanga vaka-kuyoya lika vakevo vakushangazala, ngwe munjili nakukushangazala yange ololo. Visemi valeka vana vavo mukwafwa kulongwa kwove.

Kwituluka mu Mashiko 4:10

Anukeni litangwa lije mwemanene ku mesho a Shukulu Kalunga Njambi yeni ku Munkinda wa Sinai, omo Shukulu Kalunga wendekele kuli yange ngwendi, ‘Kungulula vanu. Njishaka valizivile vakevo vavenya evi njendeka, ngeci valilongese kunjizivila lyova matangwa oshe akuyoya kwavo mu lifuti, ngeci vakavilongese kuli vana vavo.’

Kwituluka mu Mashiko 6:7

Alongeseni kuli vana veni nakuwasimutwiya omo muli mu vinjuvo vyeni, nambe mulinakwenda mu ngila, nambe simbu ya kulala, nambe omo mupanga.