Myaso 145:20 - Livulu lya Shukulu Kalunga

²⁰ Shukulu Kalunga akanyungu voshe vaje vamuzema, oloni vaka-vuvi akavanyongesa.

Myaso 145:20 Iomraidhean Croise

Myaso 1:6

Mwa vushunga Shukulu Kalunga azivuka ngila ya vaka-vushunga, oloni ngila ya vaka-vuvi ikanyonga.

Myaso 104:35

Vaka-vuvi vavanyongese ano asi, na vaka-kujeneka kukulaela kesi vakaleko lalo embwe! Mbunge yange ishangazale Shukulu Kalunga! Shangazaleni Shukulu Kalunga.

Myaso 31:23

Zemeni Shukulu Kalunga yeni voshe vanu vendi vakujela. Shukulu Kalunga anyunga vaka-kulongwa, oloni ahisa vaka-kulyalesa ngwe ku vilinga vyavo.

Myaso 37:28

Omwo Shukulu Kalunga wazema vije vyavivwa, ikeye kesi kuseza vanu vendi vaje vamukulaela, co ikeye akavanyunga simbu yoshe, oloni vatekulwila va vaka-vuvi vakavashekela anja.

Myaso 9:17

Kutsa kukekwo mamaneselelo a vaka-vuvi, na voshe vaje vavyana Njambi.

Myaso 9:5

Uhisa vaka-kujeneka kukulaela, nakunyongesa vaka-vuvi, zimangana mazina avo ku myaka yoshe.

Myaso 97:10

Yeni mwazema Shukulu Kalunga munapande kuzinda vuvi, Shukulu Kalunga akanyungu vanu vendi va kulongwa, nakuvapatula ku nzili ya vaka-muuka.

Kutuuka 20:6

Oloni njikamwesa cizemo cange cije kucesi kutenguluka ku visemwa vyakupwa 1,000 vya vaje vanjizema nakunyunga mashiko ange.

Mateo 25:41

“Asinoni akendeka lalo kuli vaje vali ku livoko lyendi lyacimwoshwe ngwendi, ‘Tundeni kuli yange, yeni vaka-cisingo! Yeni mu tuhya tuje tuvavwaeselele Satana na tungelo twendi!

Yakomba 2:5

Tolilileni, vasamba vange vanjazema! Njambi waangwile tuutu mu kaye kano ngeci vapwe vaka-kufuka mukukulaela, co vakashwane vumwene vuje vwakulaesele kuli vaje vamuzema.

1 Samwele 2:9

“Ikeye anyunga myonyo ya vanu vendi va kulongwa, oloni vaka-vivi vanyonga mu lisusulungu, nzili ya munu kuyasa kumuhyanesa.