Myaso 145:13 - Livulu lya Shukulu Kalunga

¹³ Vumwene vwove vwapwa vwa ku myaka yoshe, co yove wapwa u mwene wa ku myaka yoshe. Shukulu Kalunga wapwa muka-vushunga ku cikulaeso cendi, wapwa lalo wa cizemo ku vyoshe vije vyatangele.

Myaso 145:13 Iomraidhean Croise

Myaso 10:16

Shukulu Kalunga ikeye wapwa mwene wa ku myaka yoshe, vaje valemesa vinjambi veka vakanyonga mu lifuti lyendi.

Myaso 146:10

Shukulu Kalunga ikeye mwene wa ku myaka yoshe! Yove Siyone Njambi yove akashwana simbu yoshe. Shangazaleni Shukulu Kalunga!

Isaya 9:7

Nzili yendi ikakola mbe, co vumwene vwendi vukapwa vwa kwoloka simbu yoshe. Ikeye akainga ali Mwene Ndaviti. Akakolesa nzili yendi a mashiko a vushunga, kutunda ololo nakweta ku shongo. Shukulu Kalunga Muka-nzili yoshe akamona ngeci vyuma vyoshe evi vinapande kulingiwa.

Mbimbi 5:19

Oloni yove Shukulu Kalunga, wapwa u mwene ku myaka yoshe, co ukashwana kutwala na ku shongo ya myaka.

Ndanyele 2:44

A simbu ya vaka-kushwana vaje, Njambi wa mwilu akaka vumwene vuje kuvukahu. Naumo wai akavafungulula, co vukanyongesa vumwene vwoshe, oloni vukevwo vukakala myaka yoshe.

Ndanyele 4:31

Simbu kanda acimanese kwendeka majwi awa, lijwi lyatundile mwilu lyendekele ngwalyo, “Mwene Nevukaneza, tolilila evi vinjikuleka! Nzili ya vumwene vwove ololo njinaitundisa kuli yove.

Ndanyele 6:27

Ikeye akamena nakupatula, akalingi vikomokeso na vizivukiso mwilu na ano asi. Ikeye wovwele Ndanyele ku tunwa twa vindumba.”

Ndanyele 7:14

Co vamwanene moko na kasingimiko na nzili ya vumwene, ngecivene, vanu va ku mafuti oshe na miyati yoshe ya vanu na vanu vaka-kwendeka mu vindaka vyeka vamupangele. Moko yendi ikakala ku myaka yoshe, co vumwene vwendi kuvukahu embwe.

Ndanyele 7:27

Nzili na vukama vwa vumwene vwoshe vwa ano asi vakavwana kuli vanu va Njambi wa Akamwa ya Akamwa. Co nzili ya vumwene vwavo kuyikahu, vaka-kushwana voshe va ano asi vakamwononoka nakumupangela.”

1 Timateo 1:17

Kuli Mwene wa myaka yoshe, uje kesi kutsa uje kutwasa kumona, endi lika Njambi, kuli ikeye kukale kasingimiko na vumpau ku myaka yoshe! Ewa.

2 Petulu 1:11

Mu ngila eyi vene, vakamyana moko yakukovela mu Vumwene vwa Mwene yetu na Muyoyesi wetu Yesu Kilistu vuje vya myaka yoshe.

Kujombolola 11:15

Asinoni kangelo wamucitanu na vavali wembile lupembo lwendi, co kwakele majwi akama mwilu endekele ngwawo, “Nzili yakushwana kaye ololo inakundama kuli Mwene yetu na Wakuvwavesa wendi, co akashwana myaka yoshe!”