Myaso 145:10 - Livulu lya Shukulu Kalunga

¹⁰ Vitanga vyove vyoshe vikakushangazala Shukulu Kalunga, na vaka-kujela vove voshe vakakwalesa.

Myaso 145:10 Iomraidhean Croise

Myaso 103:22

Shangazaleni Shukulu Kalunga yeni voshe vitanga vyendi, na mu mitambela mwoshe muje mwalinakushwana! Mbunge yange ishangazale Shukulu Kalunga!

Myaso 104:24

Yove Shukulu Kalunga unatanga vyuma vyavingi! Wavitangele vyoshe na mana ove! Kaye kanashulu na vije viwatangele.

Myaso 149:5

Vanu va Njambi vavwaelele nakulisamba, vaimbe nakujolela vutsiki vwoshe.

Myaso 19:1

Melu ambulula vumpau vwa Njambi! Kaye kasholola vipangi vya mavoko endi!

Myaso 22:23

“Mushangazaleni, yeni vangamba va Shukulu Kalunga! Musingimikeni, yeni vatekulwila va Yakomba! Mulemeseni, yeni vanu va Isalele!

Myaso 30:4

Yeni vanu vendi vakujela, imbeni nakushangazala Shukulu Kalunga! Anukeni vije vyanalingi uje Wakujela, co kandeleleni.

Myaso 30:5

Omwo kuluvala kwendi kwa kasimbu lika, oloni vuvwa vwendi vwapwa vwa simbu yoshe. Kulila kukakalako a simbu ya vutsiki, oloni kujolela kukakalako ku mutondo.

Myaso 32:11

Vwaeleleni nakujolela yeni vaka-vushunga, omwo vije vyanalingi Shukulu Kalunga! Tambekeni nakujolela yeni vaka-kumwononoka!

Myaso 57:9

Njikukandelela yove Shukulu Kalunga akati ka miyati, njikakushangazala akati ka vanu.

Myaso 68:26

Vezile oku vatambeka ngwavo, “Shangazaleni Njambi mu vikungulukilo vya vanu vendi, yeni voshe vatekulwila va Yakomba, shangazaleni Shukulu Kalunga!”

Myaso 69:35

Omwo Njambi akamena Siyone, nakutungulula vinganda vya Yunda, co vangamba vendi vakakala muje, co lifuti likapwa vushwana vwavo,

Myaso 97:12

Joleleni muli Shukulu Kalunga yeni voshe vaka-vushunga, anukeni vije vyanalingi Njambi wakujela, co mushangazaleni.

Isaya 44:23

Tambekeni nakujolela, yeni melu! Tambekeni, yeni mitambela ya mwisi ya kaye! Tambekeni nakujolela, yeni minkinda na miti yoshe ya mu shwata! Shukulu Kalunga namwesa vukama vwendi akwamena vanu vendi va Isalele.

VaHevelu 13:15

Ngecivene, ijeni tushangazale Njambi simbu yoshe ngwe n̄ombelo yetu ali Yesu, ikeyo n̄ombelo ya tunwa twetu yakumutava ikeye Mwene.

1 Petulu 2:5

Co akupwa ngwe mamanya akuyoya, vamitunge mupwe njuvo ya munzinzime, kuje mukapange ngwe vaka-kukombelela vakujela mukukombelela vin̄ombelo vya munzinzime vije vyatambula Njambi ali Yesu Kilistu.

1 Petulu 2:9

Oloni yeni munapu muyati wakwangula, vaka-kukombelela va Mwene, muyati wakujela, vanu va Njambi vavenya, vanamyangula mukwambulula vikomokeso vya vilinga vya Njambi, uje wamisanene kumitundisa mu lisusulungu kuminena ku ceke cendi cakukomokesa.