Myaso 142:2 - Livulu lya Shukulu Kalunga

² Njinena kulinyenga kwange kwoshe kuli ikeye, nakumuleka lalo tuyando twange twoshe.

Myaso 142:2 Iomraidhean Croise

Myaso 28:1

Njitambeka kuli yove Shukulu Kalunga cimpaka cange. Tolilila ku mutambi wange! Kesi unjolokele kuluu. Nga woloka kuluu kujeneka kunjikumbulula, co njikafwa ngwe vaje vashelumuka mu vukalo vwa vatsi.

Myaso 42:4

Mbunge yange ipokoka omo njanuka vya kunima, omo njaile na mbunga ya vanu ku Njuvo ya Shukulu Kalunga, co njavatwamenenene omo vakele nakunjikava munima, yapwile mbunga yakuvwaelela, vembile nakutambeka nakushangazala Njambi.

Myaso 62:8

Eni vasamba vange kulaeleni kuli Njambi simbu yoshe! Mulekeni vukalu vweni vwoshe, omwo ikeye muka-kutunyunga.

Isaya 26:16

Shukulu Kalunga, omo wahisile vanu vove, mu tuyando twavo valombelele kuli yove.

Loma 8:26

Mu ngila eyi vene Munzinzime aija nakutukwasa mukuzeya kwetu. Omwo kutuzivuka vati tunapande kulombela, oloni Munzinzime akalambelela kuli Njambi na majwi akukemanga aje kutwasa kutumbula.

VaHevelu 5:7

Yesu Mukuyoya kwendi ano asi walombele nakwihula na kutambeka na lijwi lyakama na misozi kuli Njambi, uje wasele kumwamena ku kutsa. Omwo ikeye wapwile muka-kulikeesa na muka-kulyana, Njambi wamuzivile.