Myaso 14:1 - Livulu lya Shukulu Kalunga

¹ Vilema vendeka ngwavo, “Njambi waiko!” Voshe vanapu vakujeneka seo, vanalingi vyuma vyavivi vyakukomokesa, naumo wai nalingi mwamuvwa.

Myaso 14:1 Iomraidhean Croise

Kushangumuka 6:5

Omo Shukulu Kalunga wamwene ngeci vanu voshe ano asi vanaviya, na viyongola vya vimbunge vyavo simbu yoshe vyapwile vyavivi,

Yombi 15:16

Munu akanu vuvi ngwe mema, eyo, munu wapwa wa vunyengwe, lalo wapwa wakuviya.

Yombi 22:13

Co yove ukehula ngwove, ‘Vikajo Njambi vyazivuka? Ikeye wavanda mu mashelwa, co vatijo asa kutusompa?’

Myaso 10:4

Muka-vuvi kombuko mbunge kuli Shukulu Kalunga, mu kulyalesa kwendi ayongola ngwendi Njambi waiko.

Myaso 107:17

Vamo vapwile vilema omwo vivi vyavo,

Myaso 53:1

Vilema vendeka ngwavo, “Njambi waiko.” Voshe vanapu vakujeneka seo, vanalingi vyuma vyavivi vyakukomokesa, naumo wai nalingi mwamuvwa.

Myaso 73:3

omwo njamwene vaka-kulyalesa, na vaka-vuvi vavezika.

Myaso 92:6

Munu wa mana kasa kuvizivuka, na cikolokomba kasa kuvizivisisa,

Visimo 1:22

“Visimbu vingaijo eni vilema mukatwalao kulinga vulema? Visimbu vingaijo mukalikela kutomba nakujola mana? Kuma kumulilongesa ndi? Njimyana kunangula kwakuvwa nakumyana mana ange.

Visimo 1:7

Kukomoka Shukulu Kalunga, kukekwo vushangumukilo vwa mana. Oloni vilema vakevo vayeluwisa mana nakuyeluwisa lalo vilongesa.

Visimo 13:19

Cinapu cacivwa manene kuwana vije viwushaka, oloni vilema vakavyana kutenguluka kutunda ku vuvi.

Visimo 27:22

Nameme upupa cilema manene, vulema kuvutundu muli ikeye.

Muka-kwambulula 7:20

Kukwesi umo ano asi muka-kulinga vya vushunga simbu yoshe uje kesi kulinga vuvi.

Isaya 1:4

Ngongo yeni, yeni muyati wakuvulumuna, yeni vanu vakulemuwa na vuvi! Yeni naanga ya vaka-kulinga vuvi, vanu vaje vaka-kulinga vyangoco. Munaseza Shukulu Kalunga, Njambi wakujela wa Isalele, co munamukengesa nima.

Njelemiya 5:12

Vanu vanavyana Shukulu Kalunga, co vanendeka ngwavo, “Nacimo cai cakalinga. Shukulu Kalunga kakatunyanyamesa, kukukakala nzita nambe njala ya lyangengela embwe.”

Njelemiya 6:28

Voshe vanapu vakukaluwa vimbunge nakutengulukila, vakukaluwa ngwe vunengu na cikuvo. Voshe vanaviya, vanapu vaka-lufwe.

Mateo 12:34

Yeni muyati wa mambwambwa, vatijo mwasa kwendeka vyuma vyavivwa kuma yeni mwapwa mu vaka-vivi? Omwo kanwa kakendeka vije vyashula mu mbunge.

Mateo 15:19

Omwo mu mbunge ya munu mukemwo mukatundu viyongola vyavivi, vije vimutwamenena kukutsiya, na ku vupangala, na ku vwizi, na ku kuvangela, na ku makuli, na ku kufweya.

Luka 12:20

Oloni Njambi wendekele kuli ikeye ngwendi, ‘Ove cilema! Vutsiki vuno vene vakatambula mwonyo wove, co vyoshe evi unalitulikila yove vavenya vikapwa vyeya?’ ”

Efeso 2:12

A simbu ije mwangunukile kuli Kilistu. Mwapwile mu vangenzi kumwakundamene ku vanu va Njambi vakwangula. Kumwakele na mutambela mu mazivasano, aje emanene a vikulaeso vya Njambi kuli vanu vendi, co yeni mwayoyele ano a kaye kujeneka cinyangavili nakujeneka Njambi.

Tito 1:16

Vendeka ngwavo vazivuka Njambi, oloni ku vipangi vyavo vanamuvyana. Vakevo vanapu vaka-kumuzinda na vaka-kujeneka kumwononoka, co kuvapandelemo mukulinga vyuma vyavivwa.

Tito 3:3

Omwo yetu lalo twapwile tu vilema, vaka-kujeneka kwononoka, nakulinga mwamuvi. Twapwile tu vindungo va mashungu na senga yakuliseza-seza. Twombilile simbu yetu mu vyuma vya muuka na nuna, vakwetu vatuzindile, co netu twavazindile.

Kujombolola 21:8

Oloni vaka-lyova na vaka-kujeneka kukulaela na vaka-kulinga vya vunyengwe na vaka-kutsiya na vaka-vupangala na valozi na vaka-kulemesa tumponya na vaka-makuli mwela wavo ukapwa mu lishali lyakwenya na tuhya na sulufa, kukekwo kutsa kwamucivali.”

1 Samwele 25:25

Shukulu, kesi umbe mbunge kuli Navale, omwo ikeye kesi na seo! Mwa vushunga vene ikeye nalifu ngwe kununguluka kwa lizina lyendi lya Navale ‘Cilema!’ Kunjakeleko omo vangamba vove vezile, mwane.