Myaso 139:21 - Livulu lya Shukulu Kalunga

²¹ Yove Shukulu Kalunga, yange njazinda vaje vakuzinda! Njikayeluwisa lalo vaje vaka-kukutengulukila!

Myaso 139:21 Iomraidhean Croise

2 Mizimbu 19:2

Co Yehu muka-kwimanena, muna Hanani, waile kuli mwene Njosefati, wendekele kuli ikeye ngwendi, “Kuma yove unapande kukwasa vaka-vuvi nakuzema vaje vazinda Shukulu Kalunga ndi? Omwo unalingi eci vukalu vwa Shukulu Kalunga vuli ali yove.

Myaso 119:136

Mesho ange ali na misozi manene, omwo vanu kuvesi nakwononoka lishiko lyove.

Myaso 119:158

Omo njikenga ali vaka-vungungu, njiziva kuviya manene mu mbunge, omwo kuvesi kunyunga mashiko ove.

Myaso 15:4

Uje ayengula vaje vavyana Njambi, oloni asingimika vaje vakomoka Shukulu Kalunga. Ikeye simbu yoshe akalingi vije vyanakulaesa, nameme vyuma vifwe vati indi vati kuli ikeye.

Myaso 26:5

Yange njazinda munga ya vanu vaka-vuvi, co kunjesi kukala amo na vaka-vuvi.

Myaso 31:6

Njazinda vaje vakalemesa vinjambi vyangoco, oloni yange njinakulaela kuli yove.

Njelemiya 13:17

Oloni nga kumutolilila, co njikalilila kwalikalyange omwo kulyalesa kweni, njikalila manene, co misozi yange ikolomoka omo vanu va Shukulu Kalunga vavatwala ku vunzinda.

Mako 3:5

Co Yesu waluvalele omo wavakengele, oloni a simbu ije vene wazivile manene vusiwa omwo vakevo, omwo vakaluwisile vimbunge vyavo. Asinoni wendekele kuli uje munalume ngwendi, “Olola livoko lyove.” Wolwele livoko lyendi, co lyakangukile.

Luka 19:41

Yesu wetele kuyehi na nganda, co omo waimwene, walilile manene

Kujombolola 2:2

Njinazivuka vije viwunalingi, njinazivuka kuundangana kwove nakusimpa kwove. Njinazivuka ngwange kuwasa kuundangana amo na vaka-kulinga vyavivi embwe, co lalo unelula vaje vaka-kwendeka ngwavo vanapu miluwa oloni kesi vakevo embwe, co vanasholoka ngeci kuma vanapu vaka-makuli.

Kujombolola 2:6

Oloni eci cikeco ulinaco, yove unazindi vije vivakalingi vaNikolau, ngwe muje munjavazinda yange lalo.