Myaso 138:4 - Livulu lya Shukulu Kalunga

⁴ Vimyene voshe va mu kaye vakakushangazala yove Shukulu Kalunga, omwo vanazivi vikulaeso vyove.

Myaso 138:4 Iomraidhean Croise

Myaso 102:15

Ngecivene, miyati yoshe vakasingimika Shukulu Kalunga, co vimyene voshe va ano asi vakashangazala vumpau vwove.

Myaso 102:22

omo vanu va ku miyati yoshe vakakunguluka amo, nakulemesa Shukulu Kalunga.

Myaso 22:22

Njikaleka vanu vange vije viwunalingi, njikakushangazala mu cikungulukilo cavo ngwange,

Myaso 22:27

Miyati yoshe vakanuka Shukulu Kalunga, mitambela yoshe ya mu kaye vakatengulukila kuli ikeye, co vanu voshe vakamulemesa.

Myaso 51:13

Asinoni njikalongese vaka-kuvulumuna mashiko ove, ngeci vakatengulukile kuli yove. Yove Njambi muyoyesi wange.

Myaso 57:9

Njikukandelela yove Shukulu Kalunga akati ka miyati, njikakushangazala akati ka vanu.

Myaso 71:18

Ngecivene, nameme njinakuluvala manene na vwele vuli ku mutwe wange, yove Njambi kesi unjiseze, noo njikambulula vilinga vyove ku visemwa vyoshe vije vikaija kulutwe.

Myaso 72:11

Vimyene voshe vakatsikama ku mesho endi, co miyati yoshe vakamupangela!

Isaya 49:23

Vimyene vakapwa ngwe vaisho, na vamwene vakapwa ngwe vanyoko. Vakakutsikamena nakukusingimika, vakalikeesa mukumwesa kasingimiko kavo kuli yove. Asinoni ukazivuka ngwove kuma yange njapwa Kalunga, vaje vanjikulaela, kuvakazivi shwamwa.”

Isaya 60:16

Miyati ya vanu voshe na vimyene vakakunyunga ngwe cisemi alela munendi. Co ukazivuka ngeci yange, Kalunga Muka-nzili yoshe Njambi wa Isalele, njinakwamena nakukupatula.

Kujombolola 11:15

Asinoni kangelo wamucitanu na vavali wembile lupembo lwendi, co kwakele majwi akama mwilu endekele ngwawo, “Nzili yakushwana kaye ololo inakundama kuli Mwene yetu na Wakuvwavesa wendi, co akashwana myaka yoshe!”

Kujombolola 21:24

Miyati ya vanu voshe va mu kaye vakenda mu ceke camwo, co vimyene va ano asi vakanenamo vufuko vwavo.