Myaso 138:3 - Livulu lya Shukulu Kalunga

³ Omo njalombelele kuli yove, co wanjikumbulwile, wanjitakamesele lalo na nzili yove.

Myaso 138:3 Iomraidhean Croise

Myaso 18:6

Mu simbu yange ya tuyando, njatambekele kuli Shukulu Kalunga, njatambekele kuli Njambi yange ngeci anjikwase. Mu Njuvo yendi wazivile lijwi lyange, ikeye watolililile ku mutambi wange wa akukwasa.

Myaso 27:14

Kulaela kuli Shukulu Kalunga, kulaela, kesi uzeye. Kulaela kuli Shukulu Kalunga.

Myaso 28:7

Shukulu Kalunga akanjinyungu nakunjamena, njinakulaela kuli ikeye. Ikeye anjikwasa nakunjivwaelelesa, co njikaimba mwaso wakumushangazala.

Myaso 29:11

Shukulu Kalunga akana nzili kuli vanu vendi, nakuvavezikisa kwoloka.

Myaso 34:7

Kangelo ka Shukulu Kalunga akanyungu vaje vakomoka Shukulu Kalunga, nakuvapatula ku vushonde.

Myaso 63:8

Njikakateya kuli yove, co livoko lyove linjinyunga mwamuvwa.

Isaya 12:2

Njambi ikeye muyoyesi wange, njikamukulaela kunjikazivi lyova. Omwo Shukulu Kalunga ikeye nzili yange, na mwaso wange. Co napu muyoyesi wange.

Isaya 41:10

Kesi muzive lyova, yange njili neni amo! Kesi mujaje, yange Njambi yeni! Njikamitakamesa nakumikwasa, njikaminyunga nakumyamena.

Isaya 65:24

Njikakumbulula malombelo avo simbu kanda vacimanese kulombela.

Mbimbi 3:57

Wanjikumbulwile nakunjileka ngeci kesi njizive lyova.

Ndanyele 10:18

Co wanjikwatele lalo, asinoni njakele na nzili.

Ndanyele 10:19

Co wendekele lalo ngwendi, “Njambi wakuzema, ngecivene, cuma cimo kesi cikupese nambe kukuzivisa lyova embwe.” Omo wendekele evi, njazivile nzili yakama manene, co njendekele ngwange, “Shukulu, njileke viwushaka kwendeka. Ololo njili na nzili oni.”

Zakaliya 10:12

Vanu vange vakapwa vaka-nzili, vakanjilemesa nakunjononoka.” Mwanendeka Shukulu Kalunga.

Efeso 3:16

Njilomba kuli Njambi a vufuko vwa vumpau vwendi ngeci amyane nzili ali Munzinzime wendi ngeci mukale na nzili mukati ka mivila yeni,

Efeso 6:10

Akukotoka, koleseniko muli Mwene na mu nzili ya vukama vwendi.

Filipu 4:13

Njasa kulinga vyuma vyoshe a nzili ije yananjana Kilistu.

Kolose 1:11

Mupwe vaka-kukola na nzili yoshe yakutunda ku vumpau vwa nzili yendi, ngeci mukase kukakateya mu vyuma vyoshe na kusimpa.

1 Petulu 5:10

Oloni omo munayanda kasimbu kakandondo lika, Njambi wa kutetela kwoshe, uje namisana mukulipangela vumpau vwendi vwa myaka yoshe muli Kilistu, ikeye vavenya akamijelesa nakumyana kwimana mbe na nzili na luvula lwaluvwa.

1 Samwele 30:6

Co Ndaviti wakele mu vukalu vwakama manene, omwo vanu vendi voshe vazivile ku vimbunge kuvavala manene a vana vavo va vanalume na ava va vanakazi, co vashungwiiye kumwasha mamanya, oloni Ndaviti walitakamesele muli Shukulu Kalunga Njambi yendi.