Myaso 136:6 - Livulu lya Shukulu Kalunga

⁶ Uje wajalele kaye akamwa ya mema, omwo cizemo cendi cije kucesi kutenguluka cakala ku myaka yoshe.

Myaso 136:6 Iomraidhean Croise

Kushangumuka 1:9

Asinoni Njambi wendekele ngwendi, “Mema a mwisi ya lilu alikungulwile mu mutambela umolika ngeci kusholoke livu lyakuma.” Co calingiwile.

Yombi 26:7

Njambi wajangumwine lilu lya ku kunto nakunyengelesa kaye a mukambwila.

Yombi 37:18

Kuma wasa kujala lilu ngwe Njambi? Likelyo lyapwa lyakukola ngwe vutale vwakusangununa.

Myaso 24:2

Ikeye watungilile kaye a mema akulova mwisi ya livu, co wajalele luvula lwako a mema a kalunga akulova.

Isaya 40:22

Njambi ikeye muka-kushwana kaye koshe vanu voshe valinakuyoyao, vanapu lika ngwe mishwa. Ikeye wajangumwine lilu, ngwe nanga, ngwe mbalaka yakushokolola.

Isaya 42:5

Njambi watangele melu nakuwajangumuna, ikeye wajalele kaye na vyoshe vije vilimo, ikeye mukakwana mwonyo kuli vanu voshe va mu kaye. Co ololo Shukulu Kalunga Njambi nendeka kuli ngamba yendi ngwendi,

Isaya 44:24

“Yange Kalunga, muyoyesi weni, yange uje wamitangele, yange Kalunga, Ishamatanga wa vyuma vyoshe. Ange lika njajangumwine melu, omo njajalele kaye, naumo wai wanjikwaseleko.

Njelemiya 10:12

Shukulu Kalunga watangele kaye na nzili yendi, watangele kaye na mana endi, co wajangumwine melu.

Zakaliya 12:1

Awa akewo majwi a Shukulu Kalunga kuli Isalele, Shukulu Kalunga uje wajangumwine melu, uje watangele asi, nakwana mwonyo kuli munu. Ikeye alinakwendeka ngwendi,