Myaso 136:2 - Livulu lya Shukulu Kalunga

² Kandeleleni kuli Njambi ya vinjambi, omwo cizemo cendi cije kucesi kutenguluka cakala ku myaka yoshe.

Myaso 136:2 Iomraidhean Croise

2 Mizimbu 2:5

Njinayongola kutunga Njuvo ya Shukulu Kalunga yakama, omwo Njambi yetu wapwa wakama kuhyana vinjambi voshe.

Myaso 82:1

Omo vinjambi veka valikungulwila amo, Shukulu Kalunga Njambi avasompa, nakwendeka ngwendi,

Myaso 97:7

Voshe vaje valemesa tumponya, shwamwa ikavakola, vinjambi voshe va makuli vakatsikama kuli Shukulu Kalunga.

Myaso 97:9

Shukulu Kalunga Muka-nzili yoshe, yove washwana kaye koshe, yove wakala na vumpau kuhyana vinjambi voshe.

Kutuuka 18:11

Ololo njazivuka ngwange Shukulu Kalunga wapwa wakama manene kuhyana vinjambi voshe, omwo ikeye walingile eci omo vaka-Ingito vapangesele mwamuvi vaIsalele na cizindo cakufwa ngacije.”

Ndanyele 2:47

Mwene wendekele ngwendi, “Njambi yove wapwa wakama manene kutuvakana vinjambi voshe, ikeye wapwa Shukulu wa akamwa ya vimyene voshe, ikeye akajombolola mahungu. Njazivuka cuma eci omwo unasa kulumbununa lihungu eli.”

Kwituluka mu Mashiko 10:17

Omwo Shukulu Kalunga Njambi yeni ikeye wapwa Njambi ya vinjambi voshe, na Shukulu ya vishukulu voshe, Njambi wakama wakujujwisa. Ikeye Muka-nzili yakukomokesa, kesi na kahangu, co kesi kutambula lizika-kanwa embwe.

Yoshwa 22:22

“Muka-nzili yoshe wapwa Njambi! Ikeye wapwa Shukulu Kalunga! Muka-nzili umolika ikeye Njambi! Ikeye Shukulu Kalunga! Ikeye nazivuka omwo vikajo tunalingi eci, co netu lalo tushaka yeni muzivuke eci! Nga yetu tunatengulukila Shukulu Kalunga nakujeneka kumwononoka, co kesi mututave tuyoye lelo embwe!