Myaso 136:16 - Livulu lya Shukulu Kalunga

¹⁶ Ikeye watwamenenene vanu vendi mu mambo, omwo cizemo cendi cije kucesi kutenguluka cakala ku myaka yoshe.

Myaso 136:16 Iomraidhean Croise

Nehemiya 9:12

Ku mutanya wavatwamenenene na lishelwa, co ku vutsiki watwisile ceke ca tuhya mu ngila yavo.

Nehemiya 9:19

Oloni kuwavasezele muje mu mambo, omwo ngozi yove yapwa yakama. Kuwatundisile lije lishelwa nambe tuhya, vije vyavamwesele ngila ku mutanya na ku vutsiki.

Myaso 77:20

Watwamenenene vanu vove ngwe kanyungi, waangwile Mosesa na Alone kupwa vantwama vavo.

Kutuuka 13:18

Ngecivene, Njambi wavendesele mu ngila yakulizenga yakwita mu mambo ku Lishali lyakuvenga. Co vaIsalele voshe vambatele vitwa vya nzita.

Kutuuka 15:22

Asinoni Mosesa watwamenenene vanu va Isalele kutunda ku Lishali Lyakuvenga nakweta mu mambo ya Shule. A matangwa atatu vendele mu mambo, oloni kuvawanene mema.

Isaya 49:10

kuvakakala na njala nambe na lihwila. Litanya na ntwima ya mu mambo kuvikavayandesa, uje wavazema akavatwamenena ku masima a tuvwelu-vwelu.

Kwituluka mu Mashiko 11:5

Mwazivuka vije vyalingile Shukulu Kalunga kuli yeni mu mambo omo yeni te kanda mwete kuno.

Kwituluka mu Mashiko 8:15

Ikeye wamitwamenenene mu mambo yakama yakujujwisa muje mwakele manyoka va vushungu vwavuvi na manyewe, mu lifuti muje mwakuma mwakujeneka mema. Nameme ngoco, ikeye wamituwisilile mema ku limanya lyakukola.

Kwituluka mu Mashiko 8:2

Co mukanuka vati Shukulu Kalunga Njambi yeni wamitwamenenene mu vungenzi vwa kulyala ngacije mukati ka mambo, a myaka makumi awana ngeci amyononwese nakumyeseka, mukuzivuka vije vyakele mu vimbunge vyeni nambe mwanyungile mashiko endi, nambe kumwawanyungile.