Myaso 136:12 - Livulu lya Shukulu Kalunga

¹² Na livoko lyendi lya nzili, omwo cizemo cendi cije kucesi kutenguluka cakala ku myaka yoshe.

Myaso 136:12 Iomraidhean Croise

Myaso 44:3

Vanu vove kuvafungulwile lifuti lije na mikwale yavo embwe, nambe kushwana lifuti mu nzili yavo embwe, oloni eyi yapwile nzili yove na moko yove, a lizivasano lyove, nakuvamwesa ngeci yove wavazema.

Kutuuka 13:14

Kulutwe, omo munove wa munalume akakwihula a lishiko eli ngwendi linanunguluka vatijo, co ukamukumbulula ngwove, ‘Shukulu Kalunga watutundisile mu Ingito na livoko lyendi lya nzili, muje twakele mu lifuti lya vunzinda.

Kutuuka 13:3

Asinoni Mosesa wendekele kuli vanu ngwendi, “Anukeni litangwa eli, omwo a litangwa eli likelyo mwatundile mu Ingito kuje mwakele mu vunzinda. Eli likelyo litangwa lije Shukulu Kalunga wamituwisile na livoko lyendi lya nzili. Co kesi mulye makende akwaka musima.

Kutuuka 15:6

“Yove Shukulu Kalunga, livoko lyove lya nzili lya cilyo linapu lyakukomokesa na nzili, linashandangana vitozi voshe njwa!

Kutuuka 6:6

Ngecivene, leka vaIsalele ngwove, ‘Yange njapwa Kalunga, njikamipatula mu vundungo vweni kuli vaka-Ingito. Njikajundula livoko lyange lya nzili mukusholola cihiso cakukomokesa ali vakevo, oloni yeni njikamikula.

Njelemiya 32:21

Watundisile vanu vove va Isalele mu Ingito, na vizivukiso na vikomokeso vyakukomokesa na livoko lyove lya nzili.

Vilinga vya Miluwa 7:36

Ikeye watundisile vanu mu Ingito, co walingile vizivukiso na vikomokeso mu Ingito na ku Lishali Lyakuvenga na mu mambo lalo a myaka makumi awana.

Kwituluka mu Mashiko 4:34

Kuma kwakele njambi weka watundisile muyati umo ku muyati ukwavo, ngeci akavapwise vanu vendi, ngwe mwalingile Shukulu Kalunga Njambi yeni ali yeni mu Ingito ndi? Ku mesho eni vene ikeye washolwele nzili yendi yakama na vukama, wanenele mishongo yakulitambwisa amo na nzita, co walingile vizivukiso na vikomokeso, co washolwele vyuma vyakujajesa mu Ingito mwoshe.