Myaso 135:6 - Livulu lya Shukulu Kalunga

⁶ Shukulu Kalunga akalingi vyoshe vije ashaka mwilu na ano asi, mu mema a kalunga na mu vinzinga vyoshe.

Myaso 135:6 Iomraidhean Croise

Yombi 42:2

Njizivuka, Shukulu Kalunga ngeci yove u muka-nzili yoshe, co wasa kulinga vyoshe viwushaka.

Myaso 115:3

Njambi yetu ali mwilu, akalingi vyoshe vije ashaka.

Myaso 33:11

Oloni mana a Shukulu Kalunga akala ku myaka yoshe, viyongola vya mu mbunge yendi vyakala ku myaka yoshe.

Myaso 33:9

Omwo ikeye wendekele lika na lijwi. Co vyuma vyoshe vyalingiwile, ikeye washikile, co vyuma vyoshe vavitangele.

Isaya 46:10

Tunde ku vushangumukilo, njendekele vati vyuma muvikafwa, ku san̄ulu njendekele vya vuka-kwimanena a vyuma vije vikalingiwa. Njendekele ngwange matumbe ange nalumo lwai akonwa, ngeci njasa kulinga vyuma vyoshe vinjayongola kulinga.

Ndanyele 4:32

Vakakusheka kuli vanu, co ukakala amo na tusitu, ukalya mwila ngwe ngombe myaka itanu na ivali. Asinoni ukazivuka ngwove Njambi wa Akamwa ya Akamwa ali na nzili a vumwene vwoshe vwa vanu, co asa kwana vumwene kuli woshe uje yashaka.”

Ndanyele 4:35

Akakenge a vanu va ano asi kupwa vangoco, tungelo va mwilu na vanu va ano asi vali mwisi yendi. Naumo wai asa kumuvindika nambe kwihula vije vyalinga.

Amose 4:13

Njambi ikeye watangele minkinda, co watangele lihunzi. Ikeye asholola viyongola vyendi ku munu ngeci munu avizivuke, ikeye atengulula mutanya kuupwisa vutsiki. Ikeye muka-kushwana ano asi oshe. Lizina lyendi ikeye, Shukulu Kalunga Njambi Muka-nzili yoshe!

Amose 9:6

Shukulu Kalunga natungu limbo lyendi mwilu ya melu, co najala luvula lwendi ano asi. Ikeye akasana mema a kalunga nakuwetila ano asi. Lizina lyendi ikeye Shukulu Kalunga!

Mateo 14:25

Co a mungulungengu Yesu wezile kuli vakevo, alinakwenda akamwa ya mema.

Mateo 28:18

Co Yesu washwenyele kuyehi navo wendekele navo ngwendi, “Moko yoshe ya mwilu neyi ya ano asi vananjanayo.